影片
港鐵佐敦站 D 出口, 步行約4分鐘
繼續閱讀
電話號碼
23759805
營業時間
今日營業
11:30 - 14:30
17:30 - 22:30
星期一至六
11:30 - 14:30
17:30 - 22:30
星期日
全日休息
以上資料只供參考, 請與餐廳確認詳情
坐係門口等足 90 分鐘，都還未出現﹗四眼姐姐都忍唔住問我仲要等幾耐呢？姐姐我已經等到出晒汗成身濕晒，我見您舖裡面大把座位，可否比我入去坐住先呀？好熱啊！難得今次位四眼姐姐好好人，批淮先入內坐低，我梗係即刻叫支真露降降溫先！煙灰缸放正門口，微風送來惡嗅！嘆著17.8 度的真露韓國燒酒，女神終於都降臨喇！怕叫得太多，先食醬油蟹及醬油蝦，飲多個滾熱辣靚湯，其後才考慮。再次比迷你枱兩座位迫迫夾夾我，那會夠放食物？我地唔係黎食碟頭飯、食燒味飯。搞到醬油蝦、醬油蟹再次要轉用細碟，我仲有碟烤肉、滾湯及兩個紫菜飯﹗食物質素非常滿意，但坐得真係好辛苦頂手頂腳唔舒服，而且未齊人不準入座，我想飲住真露燒酒等都唔得﹗侍應態度趕客姿態，服務未如理想。計一計在七日內被淋濕條褲三次，我依家好面目猙獰咩？上水林德記，雲吞魚蛋河腩汁、紅磡皇后冰室，羅宋湯，到依一分鐘係佐敦醬缸，熱茶﹗韓國四眼老闆不在？全場只得阿嬸們在工作，是否已轉手呢？連餐牌都縮減多款小菜呢。土豆絲、辣泡菜、海藻絲，款款滋味可口，開胃菜十分到位。燒王牛排烤得嬌嫩彈牙，醬汁甜美不濁，還食得到天然牛脂牛甜味，用唐生菜捲住食就更加清新滋味。烤醃肉眼都係親手自己烤肉才最美味﹗肉眼略咸過熟不夠嫩，而且送到時不熱辣辣，只剩下微溫，食味大打折扣﹗伴碟的是香蕉？是年糕？原來雞髀菇是也，有點格格不入。韓國醬油蟹拌紫菜飯阿珠媽們的鮮汁醃蟹無得輸﹗有10粒星都比盡10粒星，城中無人能及，暫時食過最肥美爆膏啖啖肉就在此店﹗伴碟的青紅尖椒、蒜頭都好好味，送飯一流食得乾乾淨淨，只係個洋蔥味道太濃烈我受不了啊﹗紫菜飯凍乾硬，讓整隻蟹膏蟹肉連海鮮豉油淋汁滋潤一下她們，齊齊撈一撈百鳥歸巢、錦繡山河、繽紛精采﹗太好味食足碗半飯，所有紅椒青椒蒜頭洋蔥高質和味，超飽超滿足呀！紫菜飯每次都只有微弱的暖意，無一次係熱騰騰的呢﹗又黏又乾又凍又有飯焦，真係全靠醬油蟹肉蟹汁復活。韓國醬油蝦超乎想象竟然醬油蝦比醬油蟹更惹味更鮮味更美味！只有一隻唔夠新鮮，其他都黏彈鮮甜入晒味，無可挑剔高質素﹗蝦頭被蝦膏塞得滿滿，甘香無比。下次要記得先挑走蝦腦，否則會有點腥苦的味道。炆牛肋骨煲滾熱辣石鍋端上，茄味濃濃而酸甜適中醒胃無得頂﹗牛肋骨絲絲入扣軟綿綿索晒汁，撈飯絕配﹗就連配角蘿蔔都可口極至，爽甜入味拍爛手掌﹗燒五花肉次次都只食生蟹生蝦，想試試熟食呢。等了又等終於30分鐘出場，還以為即燒所以等得耐，誰知一入口想講粗口﹗乾硬鞋集於一身，乾爭爭沒半點油脂、沒半點肉汁，似足風乾烤豬肉，非常明顯翻熱食物，我心裡真的十分不舒服﹗酸蘿蔔片、韓式烤肉醬、果醋，跟烤五花肉的醬汁及配料只得幾款，但完全沒有幫助。食過韓燒都知道新鮮出爐剛剛燒起的五花肉必定立立令，充滿肉汁及油潤，鬆化軟棉，點會像眼前的乾屍一樣﹗要非常肉緊地比多點牙力先趙得到，韌得出奇﹗食完整碟堅係牙骹軟軟。就算捲上唐生菜同吃，都完全沒有幫助，不過夾上多汁泡菜有點水份就易入口好多。試一次便夠，絕無下次。 海鮮蔥餅太多蔥那股腥嗅味太濃烈，頂唔順要挑走才能慢慢享用﹗淨海鮮餅好味許多了，外脆內軟嚥嚥韌韌，鮮魷、蝦仁、貝柱混得十分惹味。豬肉泡菜湯鬼殺咁嘈噴晒煙起晒泡送到，香氣撲鼻食慾大增﹗濃濃黏稠香辣泡菜湯，盛著滾湯連豬肉灌入嘴仔，食到欲罷不能停不下來﹗ 大醬湯韓國國綷大醬，香濃麵豉醬夾雜簡單的蔬菜豆腐已非常美麗，熱烘烘一啖接一啖灌落肚仔，熱力渾行全身，非常舒服啊﹗
繼續閱讀
再分享一間收埋係心底嘅韓國餐廳比大家🫂因為呢間餐廳由疫情前市道好到而家市道唔好 都仲係要排隊㗎🥹🥹佢個地點非常隱蔽😶🌫️基本上你行過路過都唔會見到呢間餐廳😵💫佢位於佐敦柯士甸道 由彌敦道行入去會經過條小樓梯要行上一層所以啲客人都係朋友介紹+朋友介紹個個聽到話好味嚟試吓 越做越多客✨✨「醬油蟹（2隻） $348」每次嚟食都係為咗佢個醬油蟹(⁎⁍̴̛ᴗ⁍̴̛⁎)首先醬油蟹係一樣有食安危機嘅菜式一定要搵間靠得過嘅先好試我食親啲蟹都新鮮無腥臭味 食完唔會肚痛其次價錢上真係好合理💰$348 有兩隻‼️ 係兩隻🦀🦀係某啲大形超市嘅冷藏醬油蟹講緊都要$300得一隻呢個價錢真係良心價🥹🥹🙏🏼最緊要佢嘅蟹真係好食又多膏又多肉個醬油唔會太死鹹 好鮮美✨✨配埋碗紫菜白飯 超級送飯☺️☺️☺️難果韓國人會醬油蟹做「白飯小偷」～～平時食唔曬一碗飯嘅我一次過對曬兩隻蟹加碗白飯🦀🦀🍚Yum yum😋😋😋我覺得仲好食過我係韓國廣藏市場買到嘅蟹另外醬缸仲有辣味蟹揀！🌶️係香港超級少見！鍾意食辣嘅朋友仔一定要試下「石窩拌飯 $98」呢個石頭窩飯都好味 😋不過無味特別 味道中規中矩價錢CP值唔算高 不過食完生野再食幾啖熱飯落肚好C服😮💨😊😊
繼續閱讀
有時諗唔到lunch食咩就會去呢度食韓國嘢👍🏻叫咗個豆腐海鮮湯配飯！呢個係我最鍾意食嘅lunch set😋個海鮮豆腐湯送飯係一流，入面有啲金菇、泡菜、蝦、蜆，加咗呢啲配料令到個湯底更加好食！下次lunch都會再返嚟食！
繼續閱讀
終於俾我喺香港搵到性價比好高嘅醬油蟹!!!!呢間韓國餐廳有韓國人主理，入邊啲員工全部都係用韓文溝通，彌補咗疫情冇得去韓國，對韓國嘅思念。一入座，首先就會送上餐前嘅小食，都不外乎係泡菜同薯仔絲。我哋order咗呢個必叫嘅醬油蟹，三百幾蚊有兩隻再加一碗紫菜飯。啖啖肉又多蟹膏，好鮮甜好好食。同埋啲醬汁唔會係死鹹，啱啱好撈飯一流。我哋仲要唔夠飯，另外再加多一碗添。另一個推介係呢一個生菜包五花腩，唔好俾佢個賣相呃咗，一層肥肉一層瘦肉間距分明，包埋生菜，連埋啲醬汁食落口，超Juicy超嫩滑。平時唔食肥豬肉嘅我都俾佢驚艷到。
繼續閱讀
可能因為價錢較親民，所以好多人嚟食？如果你問我，更好食嘅一定有，但係我只可以講佢係對得住個價錢嘅，但服務就麻麻地如果只係過下口癮想食醬油蟹都不妨試吓如果下次再去開嗰頭我都會再食多次嘅
繼續閱讀