影片
更多
2024-05-13
1225 瀏覽
一提起自助餐，「cafe TOO」係我心目中首選嘅自助餐廳💗五星級酒店出品，用餐氛圍環境優雅，軟件及硬件無得彈👍🏻👍🏻趁放假約埋成班朋友過黎朝聖，盡興咁豪食一番先😋😋———————————————————🔹海鮮區 海鮮迷豈能錯過！新鮮生猛凍海鮮專區供應雪蟹、花蟹、麵包蟹、瀨尿蝦、大蝦、翡翠螺及大蜆，淨係呢個派場已經夠晒豪華！首推雪蟹及麵包蟹，雪蟹腳蟹肉一疏疏，入口鮮味十足；麵包蟹嘅蟹膏超級澎湃，入口甘香令人回味無窮！重點推介即蒸海鮮專區，清蒸開邊龍蝦、蒜蓉開邊蒸龍蝦、白灼蝦及白灼螺一一供應，每款熱辣辣香噴噴，特別係蒜蓉開邊蒸龍蝦，上層自家調製嘅蒜蓉醬汁夠晒惹味，搭配埋大大隻爽彈鮮甜嘅龍蝦肉，食得夠晒滿足！🔹日式刺身系列日式刺身區令人驚喜！原條藍鰭吞拿魚，由師傅即切，赤身、中拖羅及大拖羅任吃～當然要大推大拖羅！咁矜貴高質嘅食材又係另一回本位，大拖羅夠哂肥美，豐富魚脂啖啖肉，超鮮甜！🔹日式壽司及串燒區壽司及串燒區應有盡有，每款壽司材料豐富；日式串燒由師傅即席燒，特別推介呢度嘅日式玉子燒，蛋味濃厚，夠哂嫩滑Juicy，值得一試！🔹沙律及冷盤區沙律區提供各式各樣沙律及新鮮蔬菜，多款口味醬汁供應
———————————————————
🔹海鮮區
海鮮迷豈能錯過！
新鮮生猛凍海鮮專區供應雪蟹、花蟹、麵包蟹、瀨尿蝦、大蝦、翡翠螺及大蜆，淨係呢個派場已經夠晒豪華！首推雪蟹及麵包蟹，雪蟹腳蟹肉一疏疏，入口鮮味十足；麵包蟹嘅蟹膏超級澎湃，入口甘香令人回味無窮！
重點推介即蒸海鮮專區，清蒸開邊龍蝦、蒜蓉開邊蒸龍蝦、白灼蝦及白灼螺一一供應，每款熱辣辣香噴噴，特別係蒜蓉開邊蒸龍蝦，上層自家調製嘅蒜蓉醬汁夠晒惹味，搭配埋大大隻爽彈鮮甜嘅龍蝦肉，食得夠晒滿足！
🔹日式刺身系列
日式刺身區令人驚喜！
原條藍鰭吞拿魚，由師傅即切，赤身、中拖羅及大拖羅任吃～當然要大推大拖羅！咁矜貴高質嘅食材又係另一回本位，大拖羅夠哂肥美，豐富魚脂啖啖肉，超鮮甜！
🔹日式壽司及串燒區
壽司及串燒區應有盡有，每款壽司材料豐富；日式串燒由師傅即席燒，特別推介呢度嘅日式玉子燒，蛋味濃厚，夠哂嫩滑Juicy，值得一試！
🔹沙律及冷盤區
沙律區提供各式各樣沙律及新鮮蔬菜，多款口味醬汁供應，我哋可以按自己喜好，炮製獨一無二既沙律，一開始食定啲沙律菜，開開胃，為等陣大吃特吃做足準備！
🔹 一樂燒鵝
估唔到呢度既自助餐聯乘咗中環既一樂燒鵝，提供源源不絕嘅馳名燒鵝，質素有保證，燒鵝皮脆肉嫩，鵝油油香四溢，除咗燒鵝之外，酒店仲自家炮製鵝油炒飯，每一啖都令人齒頰留香！
旁邊嘅滷水專區，供應自家特色滷水，包括滷水蛋及滷水豆腐，鹹香味濃，值得一試！
🔹烤肉及熱葷區
鍾意食烤肉嘅朋友仔必試呢一度嘅烤牛肋肉及烤羊腿，特別推介烤羊腿，肥瘦適中，愛陣烤至焦香，肉質保持粉嫩，搭配埋薄荷醬及芥末醬，味道提升至另一層次！
各式各樣中西式熱葷，同樣選擇眾多，蒸海魚、炒蜆、東南亞粉麵、印度咖喱等等應有盡有，特別推介佢哋嘅老火燉湯，是晚供應川貝燉雪梨，用料十足，夠晒滋潤，火喉十足！
🔹甜品區
平時唔太食甜品既我亦比呢度嘅甜品深深吸引著！特別推介呢度嘅即制雞蛋仔，提供原味及鹹蛋黃味，製作認真，佢哋嘅雞蛋仔蛋香味濃郁，夠晒香脆，爆餡嘅鹹蛋黃鹹鹹甜甜，成個組合好出色，必定要試！另外仲有多款蛋糕、雪糕等等，真係令人目不暇給～
———————————————————
🌟餐廳：cafe TOO
📍地址：金鐘金鐘道88號太古廣場港島香格里拉7樓
張貼
