Porterhouse - Seafood & Steak

營業中

休息中

Book咗2位24號中午1點45分brunch buffet，食足兩個鐘到3點45分。環境舒適、比咗張4人枱，座位有空間，枱同枱之間好寬敞。野食方面選擇唔多，不過我本身就諗住食佢地個海鮮冷盤，有齊龍蝦、生蠔、蟹腳、蟹鉗、螺、蝦，基本上應有盡有。海鮮冷盤全部冇限數量，而且refill得都算快，唔洗驚食到隔夜海鮮。龍蝦新鮮多膏、肉質實淨唔鬆散、一口氣食咗5隻。生蠔唔腥、不過不失。蟹腳同蟹鉗都算多肉、不過有少少雪味、食落都叫可以接受。螺同蝦都普普通通、食一輪可以唔食。另外餐廳會送每人一隻蒸鮑魚、中式煮法，肉質彈牙唔腥。熱食有意粉、豬牛雞都有齊、即溶芝士配薯條，味道都係一般般，牛扒有少少韌唔太建議。