影片
更多
2024-03-20
91 瀏覽
呢間位於佐敦以音樂元素做主題, 餐廳嘅椅子都係用裝樂器嘅盒嚟㗎, 好有特色! 餐牌上食物選擇都好多, 沙律, 酸種麵包, 意粉, 漢堡包, 各式主菜, 小食, 特色飲品, 甜品等等。大部分菜式可走蛋奶芝士蔥蒜, 或者加 $10 轉純素芝士, 絕對係素食, 生酮主義者, 低碳人士嘅天堂呀!我同朋友未算太肚餓, 叫了三款不同appetizer, 有發你個財財(泰式生菜包), 純素新炸魚柳配薯條, say hi蟹餅; 飲品要咗杯新命之王, 由檸開始; 見到啲菜名都好特別又吸引。發你個財財 - $78呢個菜名超搞笑, 原來係用咗omni pork新豬肉, 豆腐, 石榴粒, 小番茄, 三色椒🫑煮成,扮作泰國菜嘅生菜豬肉咁, 再配以新鮮生菜食; 食落鹹香味, 口感都幾似淋身啲嘅豬肉, 加埋其他醃料非常入味, 配上生菜一齊食, 唔太油膩, 真係好似食緊真正嘅生菜豬肉包咁, 連味道都好似呀!純素新炸魚柳 $68純素新炸魚柳配薯條 - $68薯條用大隻嘅焗薯去切成薯條連皮炸成, 炸得好香脆, 加咗黑椒同鹽調味, 簡簡單單就係最好味; 炸魚都係素食, 食起嚟, 有真炸魚嘅口感, 真係好似, 仲要點埋醬佢嘅
我同朋友未算太肚餓, 叫了三款不同appetizer, 有發你個財財(泰式生菜包), 純素新炸魚柳配薯條, say hi蟹餅; 飲品要咗杯新命之王, 由檸開始; 見到啲菜名都好特別又吸引。
發你個財財 - $78
呢個菜名超搞笑, 原來係用咗omni pork新豬肉, 豆腐, 石榴粒, 小番茄, 三色椒🫑煮成,扮作泰國菜嘅生菜豬肉咁, 再配以新鮮生菜食; 食落鹹香味, 口感都幾似淋身啲嘅豬肉, 加埋其他醃料非常入味, 配上生菜一齊食, 唔太油膩, 真係好似食緊真正嘅生菜豬肉包咁, 連味道都好似呀!
純素新炸魚柳 $68
純素新炸魚柳配薯條 - $68
薯條用大隻嘅焗薯去切成薯條連皮炸成, 炸得好香脆, 加咗黑椒同鹽調味, 簡簡單單就係最好味; 炸魚都係素食, 食起嚟, 有真炸魚嘅口感, 真係好似, 仲要點埋醬佢嘅自家製沙律松露醬, 好惹味。
say hi蟹餅 - $88
蟹餅超好食, 佢都係素食, 但佢嘅真實度有99%呀! 蟹餅好似有蘿蔔絲, 菇類, 加入紅蘿蔔粒, 胡椒鹽調味(真實材料老闆娘冇同我講呀, 呢個可能係商業秘密) 打爛哂整成一個餅再半煎炸, 味道好香, 超級似觸肉味呀! 配埋佢嘅松露沙律醬, 真係冇得頂呀!
生命之王。特飲 - $58
老闆娘推薦呢杯超健康飲品, 入面加咗沙棘, 柚子, tonic水同薄荷等製成, 飲落少酸酸甜甜, 幾開胃。沙棘本身維生素C含量高, 可抵抗老化, 多補充沙棘, 能幫助我地維持年輕活力。
由檸開始 - $45
呢杯係檸檬特飲, 佢唔似冇一般檸檬咁酸, 老闆娘加水調配過, 將新鮮檸檬造成特飲, 感覺好清新。
老闆娘招呼殷勤有善, 服務及食物超有質素同好味道, 值得推介。
張貼
