影片
更多
2022-08-29
932 瀏覽
食pancake黎到又一城，排第一位既舖頭就係呢間，幾年前食過一次，係好出色，今次黎到就再食多次。我哋叫咗2個漢堡再加個pancake做甜品，其實係叫多左，大家都食到好飽。煙肉蛋漢堡 4.5/5先講個麵包皮，好香既麥香味，加上烘熱過外表，係脆得黎又唔會太乾。漢堡肉係3吋厚既牛肉，保留肉汁又有牛肉味，我見餐牌有得轉impossible meat，考試周到。脆薄既煙肉同半熟既煎蛋又做到豐富層次既感覺，整體而言，係好食。粗薯條又唔會炸到太乾太油，又唔會太軟淋淋唔夠香，做到啱啱好攞落口就慢慢溶喺口到。真係要彈既就係價錢定得高，$150仲要無野飲真係唔係幾掂。兒童炸魚漢堡套餐 4/5雖然係兒童餐，但個包份量都幾夠食，我女人一啖都咬唔曬個包。炸魚柳配蛋黃醬，個蛋黃醬同個麵包配合得天衣無縫。麵包又係焗熱過有麥香味，跟餐仲送兩個啫喱添，仲有一杯小橙汁。法式焦糖班戟 4.5/5首先個定價好貴，3塊pancake有啲生果有啲忌廉就要$139，真係對個銀包唔住。講返個pancake，做到個外皮有脆卜卜嘅焦糖，加上新鮮出爐，熱辣辣嘅pancake再加上冰凍嘅忌廉，係一種冰火重天嘅享受。Pancake有濃厚嘅牛
煙肉蛋漢堡 4.5/5
先講個麵包皮，好香既麥香味，加上烘熱過外表，係脆得黎又唔會太乾。漢堡肉係3吋厚既牛肉，保留肉汁又有牛肉味，我見餐牌有得轉impossible meat，考試周到。脆薄既煙肉同半熟既煎蛋又做到豐富層次既感覺，整體而言，係好食。粗薯條又唔會炸到太乾太油，又唔會太軟淋淋唔夠香，做到啱啱好攞落口就慢慢溶喺口到。真係要彈既就係價錢定得高，$150仲要無野飲真係唔係幾掂。
煙肉蛋漢堡
$149
13 瀏覽
0 讚好
0 留言
兒童炸魚漢堡套餐 4/5
雖然係兒童餐，但個包份量都幾夠食，我女人一啖都咬唔曬個包。炸魚柳配蛋黃醬，個蛋黃醬同個麵包配合得天衣無縫。麵包又係焗熱過有麥香味，跟餐仲送兩個啫喱添，仲有一杯小橙汁。
兒童炸魚漢堡套餐
$95
22 瀏覽
0 讚好
0 留言
法式焦糖班戟 4.5/5
首先個定價好貴，3塊pancake有啲生果有啲忌廉就要$139，真係對個銀包唔住。講返個pancake，做到個外皮有脆卜卜嘅焦糖，加上新鮮出爐，熱辣辣嘅pancake再加上冰凍嘅忌廉，係一種冰火重天嘅享受。Pancake有濃厚嘅牛油香，又唔會太乾太散，煙靭得來又綿密。
法式焦糖班戟
$139
10 瀏覽
0 讚好
0 留言
地點:
又一城IT隔離，方便，商場乜都有，食完可以行街睇戲溜冰。
環境:
因為隔離係IT，會有啲客人喺度睇緊啲衫，我哋咁啱就坐喺啲衫嘅隔離，如果啲客人摷緊衫嘅時候，撩開就會見到我哋食緊嘢。
價錢:
相對貴，平均一碟意粉都要$150，更何況係最普通嘅忌廉意粉都要$139，漢堡包套餐要$140。
服務:
無乜問題，細心提醒客人，甜品制作需時，甜品無後上，要求比蛋黃醬點薯條都應承人。
張貼
