Chotto Maki (廈門街) (已結業)

老公經開灣仔，買咗1份好特別嘅壽司俾我做晚餐。雖然貴貴哋，但接受到😉Chick Chick雞肉壽司🍣$72初初以為他傻仔，點會買雞肉壽司，點知食落真係好好味，雞肉完全係照燒雞嘅口味，加上有好多配菜，而且有好多細緻位都好出色，例如加咗蒜蓉片，綠色和紅色蟹子，酸瓜，牛油果，所以口感層次都非常正。Sea Monster海鮮壽司🍣$72有好多好多嘅蟹柳，再加上蒜片，櫻花蝦，青瓜絲，果然係創新嘅手作壽司，好回味。Scallop元貝壽司🍣$42有一個特質冇得輸，厚切！正！新鮮！正！