味滿

營業中

休息中

1. 粥煮豬肚只有一大碟豬肚同墊底生菜，唔會有一碗粥另上，豬肚軟淋，有咬口，好香豬味，一啲都冇豬騷味，雖然要90蚊，都唔平，但係份量好多，足夠兩三個人食，非常非常之好食，必食之選！2. 雞粥加豬潤雞非常之滑，但係本人覺得豬潤實在太精彩，豬潤係爽脆嗰個口感，非常非常之好食，下次會食淨豬潤粥！3. 揸兩都唔錯，油炸鬼仲有啲脆。4. 酸薑皮蛋都唔錯，份量好足。5. 必食嘅小食係魚皮，魚皮非常爽脆！6. 呢度嘅豆漿真係好好飲，係有豆味嗰隻，本人覺得熱豆漿香濃過凍豆漿。