影片
港鐵天后站 A2 出口, 步行約2分鐘
繼續閱讀
電話號碼
24280266
附加資料
新張期間
有八折優惠
營業時間
今日營業
11:00 - 22:30
星期一
全日休息
星期二至日
11:00 - 22:30
以上資料只供參考, 請與餐廳確認詳情
食雲吞麵最重要嘅係乜？雲吞？麵？我自己覺得係個湯！！最愛大地魚嘅香味，如果有蝦子就仲正！🥰🤭當然韭黃都唔少得啦～今日嚟呢間，朋友話湯底好正！啲麵仲要爽口彈牙！肚餓都不得了～就大刷一餐啦！！🍜水餃幼麵：水餃一啖一隻，餡料新鮮～皮薄～筍絲、木耳絲非常爽口！仲有大蝦😍🦐調味適中，唔會好鹹…竹昇麵果然彈牙爽口！！湯底香濃…一箸一箸…食到唔停口！！🍝薑蔥鮮牛肉撈粗：牛肉非常滑～😍👍🏻就算唔落蠔油，齋薑蔥味都係一絕！！粗麵同樣爽口彈牙，套餐可以加兩個小食～蝦子生菜：蝦子滿滿～鋪滿生菜～十分香口！！完全唔使再落蠔油豉油，鹹鮮味令人回味無窮！！酥炸鯪魚球：靈魂一定係蜆介！！😍🤭👍🏻鯪魚球肉身彈牙厚實～口感一流！！炆豬手跟蘿蔔：豬手炆得非常入味，皮肉入口即化～滿滿的骨膠原！❤️😍蘿蔔先鮮嫩無渣，清甜可口！！要一讚嘅係薏米水👍🏻👍🏻：十分健康～淡淡薑汁味～薏米煙韌彈牙，仲要唔甜！一飲就知係健康飲品！！奶茶+豆漿：奶都算香濃，拍得住茶餐廳～豆漿亦都香滑～老細叫多個炸兩：腸粉皮比較軟糯，但係又有少少彈牙，賣相非常骨子～店內裝修陳設，完全唔似粉麵舖～開陽光亮！掛畫都好有文藝氣息～坐得舒服！店員服務好，有禮貌～所以絕對可以翻兜！！
繼續閱讀
去完維園週末晚上來到這間位於天后的粥粉麵店 眼見一流不絕是人氣小店😍店舖光猛非常乾淨企理 有全日套餐性價比好高 選擇多而且質素都很不錯 值得再次回訪✨艇仔粥餐 $77➡️奉送油條及腩汁蘿蔔🐟生滾艇仔粥材料豐富有魚片魷魚肉絲🍲粥底夠甘香綿滑味道鮮甜🥜加入脆口的花生粒增加口感 油條外皮酥脆好飽滿 浸在粥裡更好食😋腩汁蘿蔔一大碗大大塊 好清甜多汁又無苦澀味✨柱侯牛筋腩飯餐 $78➡️奉送油菜及飲品牛筋腩份量夠慷慨🐮炆得又淋又入味 牛筋好彈嫩有嚼勁 充滿膠原蛋白🤤配上入味的白蘿蔔 柱侯汁香濃好惹味非常下飯 配上的蠔油生菜🥬無落油煮比較健康值得一讚👍🏻✨酥炸鯪魚球 $36鯪魚球炸到脹卜卜金黃飽滿🧆入口甘香好有魚鮮味而不會腥 配上惹味的蜆蚧醬可以增加鹹鮮味道 但會比較鹹所以沾少量就好✨香荽牛肉腸 $31腸粉皮口感滑溜比較黏充滿米香 牛肉餡新鮮帶點芫荽香但不算太濃烈🌱配上豉油更鮮味 要趁新鮮熱辣食♨️✨飲品可以加配的飲品選擇都幾多 要了凍檸茶及凍豆漿都夠冰凍🥛豆漿的豆香味濃郁甜味適中都不錯📍味滿 (天后)天后電氣道64號地舖
繼續閱讀
味滿 📍：天后電氣道64號地舖🚗：天后地鐵A2出口 步行1分鐘📞：+852 2428-0266💲：~HKD110/head for dinner Food quality✔️：灼鯇魚皮、麻辣牛筋、熱薏米水、熱羅漢果茶👌🏼：炸兩、熱蜂蜜菊花露、炸鯪魚球總結：😋位於天后一間售賣粥粉麵飯嘅小店 今次嚟雖然冇食粥 試咗四款小食都唔錯 價錢相宜 食物足料 係間幾好嘅街坊小店👏🏼😋最特別就灼鯇魚皮 麻油葱絲辣椒🌶️花生豉油撈埋一齊 係碟開胃嘅前菜 鯇魚皮爽口彈牙 口痕之選😋麻辣牛筋就配有牛筋及蘿蔔 蘿蔔無渣清甜 牛筋就正常 麻辣味都唔會過濃蓋哂食材本身嘅味道 愈食愈辣 唔錯👍🏼😋個人覺得飲品較出色 $16杯嘅薏米水啲薏米有成三分一咁多 餐廳都好好畀嗰膠匙嚟去食 非常足料 飲呢杯都夠你飽 味道就足料好飲 養生之選 另外杯熱羅漢果茶都唔錯 唔甜清熱潤肺首選😎🤔炸兩呢啲唔係好多地方有嘅 見到自然要試試 手工幾好至少唔會夾下甩皮甩骨咁 不過唔夠熱 醬就分開上 其實都算好服務 不過對我嚟計醬要一齊上先係炸兩嘅精髓😌🤔炸鯪魚球就即炸嘅 一上枱仲熱辣辣 同埋好足料 成件都係鯪魚肉 冇話溝下其他嘢愉工減料 魚味都好香 不過價錢偏貴咗啲😅🤔整體性價比好高 非繁忙時段入座都見餐廳翻桌率幾高 真係深受街坊喜愛嘅小店🥰🤔另外上網見有人彈服務態度唔好 當日去正常冇咩脾氣 環境光猛
繼續閱讀
位於天后嘅味滿，喺晚餐時候真係好多人，肥雞次次經過都想試吓，今次就試吓我哋廣東明菜粥粉麵飯。佢嘅南乳炸雞翼，隔籬枱聞到好香，肥雞即刻點一份。即叫即炸，肉汁Juicy超正，佢嘅蝦子撈麵非常之出名，配埋用大地魚淆嘅湯，每一啖麵都沾滿咗蝦子，食落口嗰種鹹香味真係非常之出色。再試多個韭黃大蝦腸粉，佢啲蝦隻隻好大隻隻，韭黃配埋嫩滑嘅腸粉，配埋我哋傳統嘅甜豉油，滑捋捋。再整多個淨雲吞，入面嘅蝦同埋鮮肉都非常之大份，我哋廣東雲吞係比一般雲吞大隻好多，性價比極高。
繼續閱讀
🍱餐廳資料：味滿🏫地址：天后電氣道64號地舖☎️電話: 24280266 ～雲吞麵香港style的雲吞麵真係冇得輸，麵的質感除咗爽口彈牙外，還帶有蛋香；每粒雲吞裏面都有一隻爽口彈牙的鮮蝦，高質好味👍～柱候牛筋米線朋友不能食辣的食物，所以我哋揀咗傳統不辣的柱候牛筋米線，牛筋炆得夠入味，煙韌度剛好，另外湯底濃郁香醇，配合米線非常匹配😋～蠔油冬菇真材實料，冬菇大大隻的，最緊要係炆得夠入味又淋，味道鮮美，好味道啊😄～炸鯪魚球外面炸得金黃色，內裏的鯪魚肉則能保持鮮嫩，配上蜆蚧醬更惹味，絕對值得一試❤️～炸両腸粉拉得夠薄，油炸鬼夠脆，水準之上，我哋好耐未食過炸両，真係食到停唔到口，很滿足呢😋～蠔油菜芯及芥蘭跟餐可以加菜，兩款蔬菜都夠新鮮，有爽脆的口感，健康之選🥰
繼續閱讀