影片
更多
2023-11-22
1410 瀏覽
未曾去過新加坡，但對於佢嘅菜式都有點認識。久唔久都想食一餐，今晚飯腳帶我去呢一間。以粉藍及白作為主色，以大幅壁畫作裝飾，都幾有當地感覺，而大部份都係卡坐，坐得幾舒服。呢客魚露花甲 ($168)，作為凍盤又幾過癮。已開半殼，食得方便; 酸辣魚露淋係花甲肉上，一啖一隻，令人開了胃口。想食新加坡菜，唔多唔少都諗起喇沙，咁就來一碗新加坡魚蛋喇沙 ($68)。個人認為一碗好味嘅喇沙，個湯底要夠香濃，呢碗入口有濃香喇沙味道，加入椰漿增加香甜杰度。材料除咗有魚蛋，仲有魚片及半隻溏心蛋，偶爾食到爽脆芽菜。圓粒魚蛋爽口彈牙，唔錯。油麵份量都幾多，食完相當飽肚，以呢個價錢黎講，相當抵。另一傳統主食又點少得”辣死你媽”，幾款選擇之中，有呢客邪惡之選，特大鷄髀辣死你媽配椰漿飯 ($78)。鷄蛋下嘅飯粒之所以變成粉藍色，係因為加入蝶豆花，入口滿滿椰漿味道。隻炸鷄髀確係相當大隻，含肉量豐富，皮脆肉嫩。傳統食法係將魚乾仔，花生，加埋參巴醬一齊送飯。我就再加多舊炸鷄髀肉，加埋蛋汁，正到無朋友。晚餐要加多點綠色，惹味之選馬拉盞炒通菜 ($78)，加埋蒜粒及紅辣椒，點會唔好味呢?!呢度仲有多款特色甜品，好似炸湯丸，特色糕
以粉藍及白作為主色，以大幅壁畫作裝飾，都幾有當地感覺，而大部份都係卡坐，坐得幾舒服。
呢客魚露花甲 ($168)，作為凍盤又幾過癮。
已開半殼，食得方便; 酸辣魚露淋係花甲肉上，一啖一隻，令人開了胃口。
想食新加坡菜，唔多唔少都諗起喇沙，咁就來一碗新加坡魚蛋喇沙 ($68)。
個人認為一碗好味嘅喇沙，個湯底要夠香濃，呢碗入口有濃香喇沙味道，加入椰漿增加香甜杰度。
材料除咗有魚蛋，仲有魚片及半隻溏心蛋，偶爾食到爽脆芽菜。
圓粒魚蛋爽口彈牙，唔錯。
油麵份量都幾多，食完相當飽肚，以呢個價錢黎講，相當抵。
另一傳統主食又點少得”辣死你媽”，幾款選擇之中，有呢客邪惡之選，特大鷄髀辣死你媽配椰漿飯 ($78)。
鷄蛋下嘅飯粒之所以變成粉藍色，係因為加入蝶豆花，入口滿滿椰漿味道。
隻炸鷄髀確係相當大隻，含肉量豐富，皮脆肉嫩。
傳統食法係將魚乾仔，花生，加埋參巴醬一齊送飯。我就再加多舊炸鷄髀肉，加埋蛋汁，正到無朋友。
晚餐要加多點綠色，惹味之選馬拉盞炒通菜 ($78)，加埋蒜粒及紅辣椒，點會唔好味呢?!
呢度仲有多款特色甜品，好似炸湯丸，特色糕點，唯有留返下次。
張貼
