影片
電話號碼
21171300
開飯介紹
價錢合理的新加坡菜餐廳，菜式選擇豐富，更以自家製辣醬炮製風味菜式。餐廳用當地風景畫及特色牆畫作裝飾，以凸顯新加坡的感覺。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
同朋友一齊嚟咗呢個商場🏬呢間新加坡🇸🇬餐廳🥢🍴開餐🤣$78「娘惹蘿蔔糕 Nyonya Style Fried Turnip Cake」：材料有 蘿蔔糕、雞蛋、蒜茸、叄巴醬，係我喜歡嘅其中一款娘惹菜（Peranakan cuisine or Nyonya cuisine）😋；加 叄巴醬 炒 特別惹味😋$78「馬來囉惹沙律 Malaysian Style Rojak」：材料有 沙葛、青瓜、通菜、菠蘿、油條😋；Rojak 一般認為源自印尼🇮🇩，當然喺新加坡🇸🇬同馬來西亞🇲🇾都非常流行👍，不同地方/不同餐廳 又會用不同用料😋；呢度嘅 Rojak 整體味道甜甜哋，連通菜都甜甜哋，幾得意😊$78「怡保芽菜Ipoh Beansprout」：怡保芽菜每一條都肥嘟嘟短短哋脹卜卜，水份好充足，咬起嚟清甜爽口，店長話真係由怡保出產👍；加上 秘製生抽同麻油輕輕炒過，簡單好食😋$140「黑松露香煎鮑魚 Pan Fried Abalone with Black Truffle Sauce」：鮑魚切成小粒 bite-size，易入口🤩；每一粒鮑魚都沾咗啲黑松露，仲因為加咗牛油煎🧈，所以好香口，鮑魚肉質結實、鮮味😋
繼續閱讀
新加坡比好多人嘅感覺係乾淨舒服，呢間食新加坡菜嘅餐廳環境好寬落，裝修佈置都好清新舒服，一大幅嘅壁畫好有星馬嘅感覺娘惹蘿蔔糕 $78 蘿蔔糕嘅外觀唔差，切成小塊，每一粒都有煎到金黃色外皮，好吸引。蘿蔔糕嘅質地好軟滑，完全冇粘稠嘅感覺。配料嘅搭配岩岩好唔太鹹，醬汁少辣，蘿蔔嘅甜味好好融合，成個整體上都好味。魚露鮑魚 $140 鮑魚質地鮮嫩，新鮮有咀嚼感之餘唔會太硬。魚露嘅香味好濃郁，令鮑魚更加鮮美。雖然價錢貴少少，但夠晒新鮮都算幾抵食。魔鬼魚辣死你媽配椰漿飯 $108 都幾估唔到塊魔鬼魚扒勁厚身勁多肉，肉質一梳梳食落係實淨有彈性嘅魚肉口感。半煎香嘅蛋放上椰漿飯到，蛋黃液包住成個椰漿飯口感好濃厚。椰漿飯香濃，飯底夠散唔會太濕，醬汁香濃惹味，少少辣夠好食。炸榴槤湯圓 $38/2粒最後，叫咗一份炸榴槤湯圓做甜品。湯圓嘅外皮炸得酥脆，裡面就係滿滿嘅榴槤餡料。榴槤嘅香味同湯圓嘅口感完美結合，兩粒已經夠晒滿足。
繼續閱讀
餐廳：星怡地點：尖沙咀iSQUARE菜式：新加坡菜餐牌：小食，沙律，多士，海鮮，肉類，菜類，素菜，肉骨茶，喇沙，湯麵，湯類，飯，麵，油酥餅，甜品，飲品參巴燒大雞扒 $88 另加一參巴燒大雞扒好大塊，雞扒連皮燒，燒得皮脆肉嫰。個參巴醬好惹味，呢度個味同出面唔同，係甜甜地又微微辣，好易入口，呢個醬配雞扒好夾。伴有加左白色沙律醬既雜菜沙律配車厘茄可解膩。馬來參巴烤魔鬼魚 $128 另加一馬來參巴烤魔鬼魚一大件連骨， 不過食落好易起骨，肉質嫩滑多汁，其實真係可以連骨食埋，因為大部份係軟骨。配有大量參巴醬，好夠味。同參巴燒大雞扒一樣伴有雜菜沙律配車厘茄。我係第一次食魔鬼魚，原來係幾好食架wor。伴有桔仔一粒比你自己調味。馬拉盞炒通菜 $78 另加一馬拉盞炒通菜熱辣辣上枱，通菜莖脆口，而通菜葉嫩口，炒得好夠味，加有蒜蓉同指天椒，味道少少辣，好惹味。新加坡魚蛋喇沙 $68 另加一新加坡魚蛋喇沙湯色水呈橙色，灑上香草，飲啖湯先，好香椰漿味而辣度剛好。配料有白魚蛋四大粒，好彈牙又健康。都有魚餅4片，口感都唔錯。仲有淋滑蛋半隻。油麵夠淋，都好滑溜，份量唔少，加埋爽口芽菜有多重口感。另外仲有3件豆卜。呢個價錢好抵食。餐廳裝修唔錯，景觀開揚。上菜快速，今餐食物質素唔錯，而價錢算好抵食。
繼續閱讀
未曾去過新加坡，但對於佢嘅菜式都有點認識。久唔久都想食一餐，今晚飯腳帶我去呢一間。以粉藍及白作為主色，以大幅壁畫作裝飾，都幾有當地感覺，而大部份都係卡坐，坐得幾舒服。呢客魚露花甲 ($168)，作為凍盤又幾過癮。已開半殼，食得方便; 酸辣魚露淋係花甲肉上，一啖一隻，令人開了胃口。想食新加坡菜，唔多唔少都諗起喇沙，咁就來一碗新加坡魚蛋喇沙 ($68)。個人認為一碗好味嘅喇沙，個湯底要夠香濃，呢碗入口有濃香喇沙味道，加入椰漿增加香甜杰度。材料除咗有魚蛋，仲有魚片及半隻溏心蛋，偶爾食到爽脆芽菜。圓粒魚蛋爽口彈牙，唔錯。油麵份量都幾多，食完相當飽肚，以呢個價錢黎講，相當抵。另一傳統主食又點少得”辣死你媽”，幾款選擇之中，有呢客邪惡之選，特大鷄髀辣死你媽配椰漿飯 ($78)。鷄蛋下嘅飯粒之所以變成粉藍色，係因為加入蝶豆花，入口滿滿椰漿味道。隻炸鷄髀確係相當大隻，含肉量豐富，皮脆肉嫩。傳統食法係將魚乾仔，花生，加埋參巴醬一齊送飯。我就再加多舊炸鷄髀肉，加埋蛋汁，正到無朋友。晚餐要加多點綠色，惹味之選馬拉盞炒通菜 ($78)，加埋蒜粒及紅辣椒，點會唔好味呢?!呢度仲有多款特色甜品，好似炸湯丸，特色糕點，唯有留返下次。
繼續閱讀
與朋友小聚想搵一處安靜的地方閑談到了尖沙咀isquare 的星馬菜餐廳 <星怡>$38一份朱古力雪糕窩夫🍫🧇配上馬來西亞拉茶🇲🇾 和 女士恩物 - 桂圓紅棗茶☕️餐廳環境舒適，座位闊落晚餐時段人頭湧湧，但不會十分嘈雜👍🏻#尖沙咀餐廳 #星馬菜 #馬來西亞菜 #星加坡菜 #星怡
繼續閱讀
您可能會有興趣的...