影片
更多
2024-03-26
228 瀏覽
揾朋友tea揾到去平時少嚟嘅黃大仙，方便大家就揀咗近港鐵站嘅黃大仙中心北館，電梯上一層行到最尾見到韓閣隔離有間台式cafe，叫「嘆嘆」，感覺幾超chill。一入大門口就見到大樹造型打卡位，掛滿七彩顏色祈願紙條、燈球，頭頂樹葉係一束束密密麻麻倒掉嘅乾花，色彩繽紛。枱凳都主要係木製，成個感覺好大自然。✔️招牌鐵路便當盒$72台灣就去得多，但係正宗嘅台灣鐵路便當就未食過，喺香港其他地方食台灣嘢多數鍾意食牛肉麵，見到呢度有鐵路便當就試試佢。呢個便當好豐富，份量亦都好大份，包含咗肉燥飯、紫菜粟米湯、滷水豆腐、糖心蛋、椰菜，仲可以揀選滷豬排/鹽酥雞/小食拼盤，最後揀咗滷豬排，超大塊！✔️麻辣酒香醉雞翼 2隻(跟餐+$18）鐵路便當跟餐可以加小食，成日抗拒唔到雞翼嘅誘惑，呢隻麻辣醉香脆雞翼係凍食，麻辣味幾突出！✔️古祖黑糖珍珠奶茶（凍）（跟餐+$2)另外，鐵路便當跟餐加2蚊就可以飲到黑糖珍珠奶茶，價錢非常驚喜！出面一定唔止呢個價錢！✔️嘆嘆拼盤（細）$88下午茶時光，點會少得小食拼盤過吓口癮？呢個細嘅拼盤有3種小食：鹽酥雞、台灣腸、甜不辣。鹽酥雞有調味粉、紫蘇葉調味，幾香口。台灣腸皮衣都夠脆夠口感！✔️嘆嘆紫
✔️招牌鐵路便當盒$72
台灣就去得多，但係正宗嘅台灣鐵路便當就未食過，喺香港其他地方食台灣嘢多數鍾意食牛肉麵，見到呢度有鐵路便當就試試佢。呢個便當好豐富，份量亦都好大份，包含咗肉燥飯、紫菜粟米湯、滷水豆腐、糖心蛋、椰菜，仲可以揀選滷豬排/鹽酥雞/小食拼盤，最後揀咗滷豬排，超大塊！
✔️麻辣酒香醉雞翼 2隻(跟餐+$18）
鐵路便當跟餐可以加小食，成日抗拒唔到雞翼嘅誘惑，呢隻麻辣醉香脆雞翼係凍食，麻辣味幾突出！
✔️古祖黑糖珍珠奶茶（凍）（跟餐+$2)
另外，鐵路便當跟餐加2蚊就可以飲到黑糖珍珠奶茶，價錢非常驚喜！出面一定唔止呢個價錢！
✔️嘆嘆拼盤（細）$88
下午茶時光，點會少得小食拼盤過吓口癮？呢個細嘅拼盤有3種小食：鹽酥雞、台灣腸、甜不辣。鹽酥雞有調味粉、紫蘇葉調味，幾香口。台灣腸皮衣都夠脆夠口感！
✔️嘆嘆紫薯奶茶$38
朋友單叫咗杯紫薯奶茶，話奶茶嘅紫薯味都幾出。
✔️嘆嘆紫薯菲菲$68
呢個甜品賣相好吸引，用料好足，碎冰上係布丁、仙草、芋圓、珍珠、芋泥，好大份呀！兩個人食都要好出力先食得完！
張貼
