蘇山雞飯

營業中

休息中

同鄰居去完街，話呢間椰子雞好好食，專登喺金鐘搭返車過嚟食晚飯。四人同行，一人叫一個餐應該唔算過分，但係出完餐之後，成張卡位都唔夠擺，叫我哋再移移位，真係唔識點樣移，侍應話點解我哋叫咁多嘢，我一下O咗嘴。其實真係得個椰子雞湯好味，啲雞煮完之後係唔食得嘅。海南雞冇想像中咁滑，不過啲醬料好味。肉骨茶有神緒，但係藥材味唔重。反而杯咖啡幾好飲夠滑。個咖喱牛腩正常冇特別驚喜，嗰個薄餅就唔會太油食落去都幾鬆軟。個沙嗲冇炭燒嘅感覺。如果四個人嗌四個餐都係過分嘅話，咁希望佢啲碗碗碟碟就唔好咁大個，因為顯得份量少亦都阻左用餐嘅地方，真係揸住個碗仔揸住全晚，根本冇地方放低飯碗。同埋九點幾都未閂舖，已經落清潔劑拖到個地下勁濕，走嘅時候喺出門口嗰段路失左重心差啲朝天撻，感覺唔安全。