第一郡

營業中

休息中

唔好俾佢簡約嘅裝修、Menu呃到。社企feel。地方乾淨企理，綠色牆感覺好舒服。枱面4平8穩（唔係講笑，呢個要求真係幾卑微）。落地玻璃窗俯瞰曾經繁華盛世嘅彌敦道蟹膏蕃茄湯檬- 嗰個蟹膏好特別，溝埋啲唔知乜嘢好食嘅嘢，做到一嚿豆腐咁嘅形狀，海綿咁嘅texture，咬落口感鬆軟，蟹味濃郁。- 裏面有豬紅配料，同牛雜檔嗰啲好唔同喎，入口有浸淡淡嘅肉味。滴滴咖啡- 好正宗嘅越南風味。啱唔啱口味一回事，去 越南 隨便搵間地茂館嘅咖啡，就係咁。- 牛油果軟包熟度剛好嘅牛油果，塞滿晒成個包好抌本。牛油果香滑，麵包外脆內軟。推介。- 肉鬆軟包應該係麵包餸肉鬆。肉鬆滿倒瀉。嫌佢乾口一啲。- 芒果沙冰濃郁又滑，芒香味撲鼻。- 班蘭、榴槤糕好好食，好食過 「莫定標娘惹」。呢兩款甜品都好好食。不妨自攜外賣盒買多幾個打包，返到屋企微微打熱佢，齒頰留香。surprise，連沙甸魚法包都有。無奈唔係好啱香港人口味。佢哋用斑斕葉嘅量真係毫不手軟，就算係自助水都係斑斕水。