影片
更多
2010-08-01
60 瀏覽
『姓曾中出住家菜』乃是次行動代號, 此句句子包含「時間人物地點」, 『姓曾』乃「人物」, 是某人之匿稱, 原因其『姓曾』也, 『中出』為「時間」, 乃『中午外出食飯』之意, 「地點」, 就是是次餐廳『住家菜』, 所以『姓曾中出住家菜』乃「天時地利人和」之總稱, 請不要胡思亂想是次為慶祝同事生日, lunch相約一班人出去食飯, 選址住家菜, 當然為了配合姓曾之身份：住家菜當然適合不過, 正當大伙兒嚷著要叫「美腳」, 「美乳」, 「靚雞」此等「住家菜」之際, 各位續請不要心邪, 其實大家係指「雞腳」, 「腐乳」, 「油雞」吧了住家菜除了有不少「OL」之外, 也有不少「住家男人」, 好似food court一樣既地方, 還好可以訂位, 但謝斐道那一間就唔得, 想食住家菜唯有晒多d腳骨力啦老友一行八勇士, 點了八客住家菜, 其中四客為是日住家菜 ($38), 四客為商務住家菜 ($55), 正是各取所需住家菜當然少不了「迷湯」一碗, 節瓜鱆魚湯乃是日例湯, 叫飯必配, 為何會是「迷湯」? 因為一飲之下, 有人話有加味精, 但我飲落又唔似有味精, 雖然咸味是有點不自然, 但要知道住家菜標榜自己
是次為慶祝同事生日, lunch相約一班人出去食飯, 選址住家菜, 當然為了配合姓曾之身份：住家菜當然適合不過, 正當大伙兒嚷著要叫「美腳」, 「美乳」, 「靚雞」此等「住家菜」之際, 各位續請不要心邪, 其實大家係指「雞腳」, 「腐乳」, 「油雞」吧了
住家菜除了有不少「OL」之外, 也有不少「住家男人」, 好似food court一樣既地方, 還好可以訂位, 但謝斐道那一間就唔得, 想食住家菜唯有晒多d腳骨力啦老友
一行八勇士, 點了八客住家菜, 其中四客為是日住家菜 ($38), 四客為商務住家菜 ($55), 正是各取所需
住家菜當然少不了「迷湯」一碗, 節瓜鱆魚湯乃是日例湯, 叫飯必配, 為何會是「迷湯」? 因為一飲之下, 有人話有加味精, 但我飲落又唔似有味精, 雖然咸味是有點不自然, 但要知道住家菜標榜自己無味精, 那真是很「迷」了, 不過就算無味精, 都應該加左唔少胡椒粉之類, 不然那個味道太古怪了, 真係Adam鄭都未必解到呢個「謎」
是日住家菜:
薑茸蔥油雞: 所謂「食色性也」, 為左滿足足一群住家男人的食慾, 食得住家菜, 叫雞少不免, 雞幾滑, 但上面的薑茸蔥油才是主角, 撈飯真是絕配, 男人嘛, 果然貪新忘舊, 雞嘛, 只是逢場作戲
蒸魚: 有人話係「明日黃花」, 食個$38蚊餐都有黃花? 我對魚無乜研究真係答唔到, 但肉質真係幾似黃花, 又滑又有魚味, 上面既麵豉更加特別, 其實條魚唔係很咸, 但配那麵豉很不錯, 又是撈飯好拍擋, 明日黃花唔係差野, 可能好過食雞
XO蒸排骨: 排骨用豆卜墊底, 排骨有肥有瘦, 蒸得不算過龍, 但我對排骨興趣一般, 而且不知為何我感覺不到XO醬, 這一碟我是幫襯得最少的
勝瓜雲耳牛肉: 好久沒食過勝瓜, 間唔時一次真係幾好, 牛肉無牛味, 但雲耳和勝瓜都很好, 兩者都仲好爽口, 又是配菜優勝過肉的一味, 也是男人通病, 永遠都是鐘意妹仔多過女主人
商務住家菜:
沙拉骨: 沙律醬很多, 骨超過八件, 每人起碼有一件, 當然唔係話件件很大啦, 少少地食下很不錯, 要讚係骨位很少, 無呃秤, 正
菜甫肉鬆煎蛋角: 菜甫很多, 肉鬆很少, 非常住家菜feel的一味, 如果咬到肉鬆真的很好味, 肉鬆帶點甜味, 但真係好似尋寶咁, 住家菜都唔係咁易搵到件好架
梅菜蒸肉餅: 菜唔怕梅, 至緊要正, 上面的梅菜很多, 差不多可以蓋過個肉餅, 無乜豉油既情況之下, 肉餅完全靠梅菜引出味來, 肉餅打得尚算黐實, 不會一夾即散, 梅菜也爽口, 又是另一令人回味之住家菜也
XO醬爆雞球: 早說XO蒸排骨沒XO, 這個XO醬爆雞球真係辣到噴火, 在最後一碟黎既情況之下, 碗飯一早已經ko掉, 在唔撈飯既環境底下, 呢碟野真係好難食得晒, 雞球好像在唱『火熱動感LALALA』, 西芹已經係無咁辣, 盡量食左已經當交到功課, 都話食得住家菜就唔好叫雞架啦
甜品乃清補涼, 你無睇錯, 真係清補涼, 同屋企煲既一模一樣, 只係佢加左片糖冰糖去煲, 是甜的清補涼, 杰杰地, 飲到底仲有薏米添, 感覺幾特別, 唔錯
總括黎講, 不愧為商務, 始終比普通住家菜高檔也好食, 也可能是為是即叫即炒, 慢工出細貨, 等得既又唔怕貴, 就叫商務吧
今次既『姓曾中出住家菜』行動非常成功, 在此再祝姓曾早日中六合彩提早退休
張貼
