影片
更多
2024-01-09
1049 瀏覽
約左朋友食飯，佢話想食特色泰國菜，我喺下晝食果陣覺得啲船麵唔錯，但未試過散叫，所以睇完餐牌之後，夜晚就去金亞淶試下啲打卡泰國菜。呢度雖然係工廠區，但交通方便，鄰近地鐵，所以唔會太難去。睇下餐牌有咩食先 睇完就用QR Code落單啦！因為工廠大廈網絡唔係好好，所以呢度有裝WiFi 可以睇下環境 泰式春卷 4件 $58呢度嘅春卷好多料，除左豬肉之外，都有木耳、紅蘿蔔等等，外面皮脆，但無咩油，食落真係好開胃。 菠蘿海鮮炒飯 $88飯炒得乾身，粒粒分明，飯除左黃薑之外，都有少少香辣嘅咖哩味。材料有好多，肉鬆下面有蝦球、魷魚、雞肉，同味道好似豬肉乾嘅泰國臘腸，缺點係菠蘿殼太細，好容易倒瀉飯。 泰式火山骨 $168好多舖頭都有呢個菜式，但第一次有舖頭係大到夾唔起嘅。唔好話筷子，就算用手套攞，都放唔到落碗，真係超適合打卡。都真係食，撥走上面嘅芫茜，見到裡面係泰式酸甜汁，點豬肉食好正。睇賣相係煲湯肉，但又無一般煲湯肉咁鞋，點汁配合排骨本身近骨嘅油花位，成件事會變得好正。 青檸梳打$20青
約左朋友食飯，佢話想食特色泰國菜，我喺下晝食果陣覺得啲船麵唔錯，但未試過散叫，所以睇完餐牌之後，夜晚就去金亞淶試下啲打卡泰國菜。呢度雖然係工廠區，但交通方便，鄰近地鐵，所以唔會太難去。
睇下餐牌有咩食先
睇完就用QR Code落單啦！因為工廠大廈網絡唔係好好，所以呢度有裝WiFi
可以睇下環境
泰式春卷 4件 $58呢度嘅春卷好多料，除左豬肉之外，都有木耳、紅蘿蔔等等，外面皮脆，但無咩油，食落真係好開胃。
菠蘿海鮮炒飯 $88飯炒得乾身，粒粒分明，飯除左黃薑之外，都有少少香辣嘅咖哩味。材料有好多，肉鬆下面有蝦球、魷魚、雞肉，同味道好似豬肉乾嘅泰國臘腸，缺點係菠蘿殼太細，好容易倒瀉飯。
泰式火山骨 $168好多舖頭都有呢個菜式，但第一次有舖頭係大到夾唔起嘅。唔好話筷子，就算用手套攞，都放唔到落碗，真係超適合打卡。都真係食，撥走上面嘅芫茜，見到裡面係泰式酸甜汁，點豬肉食好正。睇賣相係煲湯肉，但又無一般煲湯肉咁鞋，點汁配合排骨本身近骨嘅油花位，成件事會變得好正。
青檸梳打$20青檸同泰國梳打水，無咩添加，但食左咁多嘢，好適合解膩。
金鑽鮮菠蘿冰🍍$20
外觀見到杯嘢有啲黃色，原來係菠蘿果醬🍍果肉好甜，整到出名夠甜嘅金鑽鳳梨，都可以少少酸。所以好飲過平時罐頭菠蘿🍍落罐頭水嘅好多，呢個比較真材實料。呢個甜度好足夠，又有解膩效果。
椰皇三重奏$42普通版有椰皇燉奶、椰皇水啫哩，今次加埋好嫩滑嘅椰肉，配合自己炒嘅椰絲，變成四重奏。
椰皇燉奶燉得好滑，都有椰香味，外面已經好正，下層更期待椰皇水啫哩望落似大菜糕嘅質感，但無佢咁硬，少少爽口
下一層係椰肉，平時好多椰皇嘅肉都係硬到食唔到，椰青肉先夠嫩。呢間舖頭特登訂啲靚椰皇，所以好夠嫩，嫩到全部肉都可以清曬。
總數：$396
#金亞淶泰國餐廳荔枝角長沙灣道883號億利工業中心1樓102號舖
電話: 28893478
張貼
