河內越式料理

營業中

休息中

出到k11個頭，但又想食抵食嘅越南粉，所以就搵咗呢間河內越南粉，佢門口放晒menu，可以睇啱先入去🤓。正值中午時段，人流都幾多，見到姐姐們都好忙，不過一個人好快就有位。最欣賞餐廳每檯除咗有齊基本越式醬汁外，仲有消毒洗手液👍🏻。生牛肉湯河粉 $56其實有諗過叫其他，好似樣樣都幾吸引😂，最後決定食返最簡單嘅生牛河。牛肉河粉大碗，男仔都夠食。湯河配小桔仔同辣椒，啲辣椒都幾辣，落幾粒就惹味啲。牛河上有大量香葉、芽菜、洋蔥，芽菜肥身都唔會有青味，洋蔥切幼後，浸湯後好快變軟身。生牛肉片多又大塊，浸一浸湯，牛肉嫩身，唔會老，而且都幾香牛味。河粉滑，「索」晒啲湯入味，同牛肉一齊食咁滑。椰汁珍多冰 $12 (跟主食半價)珍多冰大杯，椰汁味夠香。珍多冰入面仲有好多班蘭粉條，粉條口感彈牙，唔會好似食糕咁，我幾鍾意。班蘭味亦出，同椰子互相輝映。小店用心經營，姐姐有禮貌，食物又幾好，價錢唔貴(見有下午茶)，下次嚟尖沙咀再食。