影片
更多
2015-08-28
380 瀏覽
經過左曼谷四面佛大爆炸後，每次見到機票減價呀、泰國產品呀，都會不其然地諗起事件，我好感恩暑期去曼谷時平安回港，同時為受傷同去世既受害者祈禱。今日懷著一顆感恩既心同朋友黎食晚飯。一步出lift門，就見到招牌，仲俾我地發現到餐廳既生日優惠，可惜我地無人生日啦，如果唔係就著數lu。餐廳入面都算大，桌子與桌子之間既空間足夠，而且坐得都舒服。青芒果軟殼蟹沙律$118仲記得有次去旅行買左成十幾個青芒番香港，搞到行李都超左重,最鐘意青芒既爽甜。呢個沙律都幾酸下架，不過都無蓋過芒果既果香同甜味，而且食完仲覺得鬼別醒胃添，由於味道太清爽酸甜，所以襯埋脆脆咸咸既軟殼蟹絕配呢！泰式生蝦刺身 $128哈哈，我都算係一個酒鬼，未至於飲到爛醉唔識番屋企，但最愛望住個海嘆番杯！今次呢個shooters形式上實在見到都興奮，食既時侯未必一啖咁飲左，始終都斯斯文文用餐具。不過呢個剌身，醬夠曬多而且辣，超刺激！小食拼盤$148泰式小食真係好多好多款，諗唔到叫邊樣，叫拼盤最好，一共有四款，仲配唔同醬，去片：蝦春卷 外面皮脆，內裡就仍然保留到好似面粉咁少少煙癮，包著條蝦肉，正！蝦餅（我點甜酸醬）超級彈牙！鮮甜串燒係牛！燒豬頸
一步出lift門，就見到招牌，仲俾我地發現到餐廳既生日優惠，可惜我地無人生日啦，如果唔係就著數lu。餐廳入面都算大，桌子與桌子之間既空間足夠，而且坐得都舒服。
青芒果軟殼蟹沙律$118仲記得有次去旅行買左成十幾個青芒番香港，搞到行李都超左重,最鐘意青芒既爽甜。
呢個沙律都幾酸下架，不過都無蓋過芒果既果香同甜味，而且食完仲覺得鬼別醒胃添，由於味道太清爽酸甜，所以襯埋脆脆咸咸既軟殼蟹絕配呢！
泰式生蝦刺身 $128哈哈，我都算係一個酒鬼，未至於飲到爛醉唔識番屋企，但最愛望住個海嘆番杯！
今次呢個shooters形式上實在見到都興奮，食既時侯未必一啖咁飲左，始終都斯斯文文用餐具。
不過呢個剌身，醬夠曬多而且辣，超刺激！
小食拼盤$148泰式小食真係好多好多款，諗唔到叫邊樣，叫拼盤最好，一共有四款，仲配唔同醬，去片：
蝦春卷 外面皮脆，內裡就仍然保留到好似面粉咁少少煙癮，包著條蝦肉，正！
蝦餅（我點甜酸醬）超級彈牙！鮮甜
串燒係牛！
燒豬頸肉口香惹味，肉質爽。
酸辣鳳爪$88用左鮮青檸汁既味道係特別出，無雪味at all，辣到停唔到口！
華欣特色咖喱蟹$328呢個咖哩蟹用左平時泰國咖哩魚既個隻咖哩（泰文叫荷木，中文我唔識）
咸同椰香味會較其他款重既，入口無咁辣不過會濃同杰Ｄ，最岩送包或飯。
蟹肉唔算好厚，但鮮甜！
燒遙特色炸魚$248呢個魚折左骨同件去炸，炸得好香口，而且調味足，我覺得襯番個青芒沙律超級岩key。
飛天炒通菜$75
燒遙特式炒飯$128個炒飯呢好香口，多種材料，滿足貪心既我地！
泰式炒金邊粉$92最怕食到ｄ金邊粉紅過紅雞蛋咁，呢碟唔會話整色整水，但味道仲係好泰式。
泰式爆炸豬手(新菜式)$258經理話呢個豬手要用泰式鹵水浸過夜，之後再風乾，點單後先落鍋炸，所以食起黎肉特別嫩同多汁，無渣架，而且個皮又脆！
芒果椰汁糯米飯$78
椰青糕$48糯米煙煙UNUN，食泰國菜必點吧，不過椰青糕都好好，清甜潤肺，清曬今晚既肥膩同罪惡！
張貼
