大富翁名人火鍋食府 (已結業)

有朋友從外國回來，指明要吃點心，睇到網上介紹呢間大富翁名人火鍋食府，有點心食又有靚景，即刻book位試吓!餐廳位於尖沙咀iSquare 23樓，我們三人被安排坐靠窗位置，坐得舒服，又可以望到維港海景，朋友們都非常滿意👍🏻👍🏻我們主力吃點心，雖然款式不多，但係好精緻，有幾款還很特別，味道亦十分好最驚喜係：米網鮮蝦腸粉～外觀有啲似炸兩，但比炸兩更好食！腸粉皮入邊包住薄薄脆油條，中心入邊係大大隻鮮蝦，仲有蟹籽鋪上面，外脆內軟，口感非常之特別，朋友都特別喜歡這個不似腸粉的腸粉🤣黑松露海王果～外型有啲似粉果，個皮好薄，入邊有蝦肉粒、鮮魷魚粒、蔬果粒丶黑松露香，我覺得比粉果更好吃😋金銀蒜鮮蝦春卷～春卷皮好酥脆，入邊有啖啖蝦肉，配上喼汁，擺盤好靚金魚餃併鮑魚燒賣～淨係個賣相都已經好靚，鮑魚鮮嫩，一啲都唔un ，金魚餃精緻美味，成個點心賞心悅目香煎淮山糕～賣相和材料都同蘿蔔糕一樣，但係咬落去係清香淮山味道，好清新😍我哋仲點了蝦餃、燒賣、小籠包、牛肉球、叉燒包，味道真的很好！其實呢間主打火鍋，下次一定要再嚟試吓