影片
更多
2018-03-04
3207 瀏覽
女友受我感染之下，多左留意一d飲食資訊，會周圍去搵下野食。咁前日竟然發生左一件好新奇嘅事，就係佢係面書竟然係一d餐廳嘅推介上面tag 我個名wor! 姐係示意我去啦！我就一定會接受要約啦！就約好今晚過去啦！餐廳地址都好近旺角地鐵站，係朗豪坊個出口行幾分鐘就到啦，好方便，去到之後就搭電梯上一樓。上到去啦，門面係一個飲品menu,，我相信係可以俾d客人買外賣買走嘅，咁望一望之後見到餐廳都係以賣台灣飲品為主呀！有而家最潮流嘅奶蓋茶，另外就重有d新鮮水果茶系列，心唸就一定要試下呀！但係重點就係要等下位先啦！好味嘅餐廳要等位係正常呀！但係好彩我都係等左十分鐘左右就連續咁走左幾張枱，咁就安排左我地入去啦，店員重好有禮貌咁問我地坐唔坐窗口吧枱，我地都異口同聲咁講話無問題，有得食就得啦！咁一入到去，木地板感覺好舒服，好乾淨，餐廳都夠光猛，一入去就見到一個開放式水吧，好乾淨，能夠俾到客人好有信心感覺，安心食用，而且設備非常齊全。咁我地就坐低望下個menu 先！餐牌就係得一張紙兩頁紙，貴精不貴多，咁佢飲品就用左成頁紙，都係一d台式飲品，有而家最興嘅芝士奶蓋同埋水果茶。另外野食就都係多款式，有佢果個好出名嘅
餐廳地址都好近旺角地鐵站，係朗豪坊個出口行幾分鐘就到啦，好方便，去到之後就搭電梯上一樓。
上到去啦，門面係一個飲品menu,，我相信係可以俾d客人買外賣買走嘅，咁望一望之後見到餐廳都係以賣台灣飲品為主呀！有而家最潮流嘅奶蓋茶，另外就重有d新鮮水果茶系列，心唸就一定要試下呀！但係重點就係要等下位先啦！
好味嘅餐廳要等位係正常呀！但係好彩我都係等左十分鐘左右就連續咁走左幾張枱，咁就安排左我地入去啦，店員重好有禮貌咁問我地坐唔坐窗口吧枱，我地都異口同聲咁講話無問題，有得食就得啦！
咁一入到去，木地板感覺好舒服，好乾淨，餐廳都夠光猛，一入去就見到一個開放式水吧，好乾淨，能夠俾到客人好有信心感覺，安心食用，而且設備非常齊全。咁我地就坐低望下個menu 先！
餐牌就係得一張紙兩頁紙，貴精不貴多，咁佢飲品就用左成頁紙，都係一d台式飲品，有而家最興嘅芝士奶蓋同埋水果茶。另外野食就都係多款式，有佢果個好出名嘅龍蝦包，漢堡系列，有即叫即做嘅燴意粉，飽肚嘅基本上說係e兩個，其他就有梳乎厘，沙律，小食咁啦，我女友話佢想食個包，而我又想食wor, 於是我地就叫左以下菜式啦！
滿滿芒果
$42
20 瀏覽
0 讚好
0 留言
首先就係我女友果杯滿滿芒果，佢地d飲品全部都係以外賣杯形式來提供俾客人呀！我就都幾欣賞佢個杯蓋，就咁開黎飲又得，插飲筒又得，同出面好出名果d台式飲品店一樣，店舖都幾跟得上潮流！
咁佢就試下啦，佢唔用飲管飲，咁第一啖就飲d奶蓋，佢話咸咸地，不過都幾有口感正常呀！果d係芝士奶蓋，跟住佢就用飲管啦，就話好香芒果味，都唔會太甜太過糖漿味！咁就當然啦，我地坐係個吧枱位置，完全望到個水吧職員個製作過程，睇住佢夾d芒果呀，佢地就真係真材實料呀！幾好飲，唔錯唔錯！
火龍果四季春
$42
24 瀏覽
0 讚好
0 留言
好啦！跟住就到我果杯火龍果四季春啦，望一望！咦，點解同menu 果杯完全唔同樣！？原來餐廳今日係用左紅肉火龍果，紅肉火龍果果肉中的「甜菜紅素」會比白肉火龍果更加有益的，咁飲落去都幾解渴同埋飲得出完全係真材實料，但係杯野就稍為唔係好夠茶味，不過都係好飲呀！
蟹肉龍蝦漢堡
$138
23 瀏覽
0 讚好
0 留言
海膽黃金蝦漢堡
$98
26 瀏覽
0 讚好
0 留言
好啦！大約等左二十分鐘兩個包都出場啦！等二十分鐘唔緊要呀！個餐牌都寫明話要即叫即做呀！咁基本上兩個包除左個涵之外都咩分別，都係跟薯角同埋什菜沙律，咁我地就食左個龍蝦包先啦，佢個包係烘過呀，又d牛油味，同埋都幾脆，不過感覺上 e個唔應該叫做漢堡，可以叫做長包。咁佢最頂層就係蟹籽，中間係蟹肉沙律同埋最底層嘅龍蝦，開始食啦，食落去之後d味道都好夾，蟹肉同龍蝦肉都各有各自己的口感，龍蝦肉就彈牙d, 而蟹肉就較為鮮甜d，蟹籽就稍為被忽略了，個包外脆內軟，都真係唔錯，我地一人一個好快就食晒啦！之後就到第二個包啦，海膽黃金蝦漢堡包，個包就都係一樣咁脆同有d牛油香。最欣賞就係佢個蝦，d蝦肉就真係爽口彈牙，同埋就真係好有蝦味，同埋就份量都唔少，再加埋d海膽做嘅醬就真係加添鮮味，我個人覺得e個海膽蝦包就重正。咁其他配菜例如薯角都係即叫即炸呀！夠熱又夠脆，而d沙律都可以，夠新鮮，下次我地會再黎試下其他野呀！讚呀！
張貼
