影片
更多
2023-05-29
1433 瀏覽
staycation包早餐 ，估唔到個環境係咁靚 ，早餐超豐富 ，酒店本身已經喺半山， 背山面海， 環境一流。 自助早餐非常豐富， 仲要喺泳池旁邊 ，真係燦爛嘅陽光， 蔚藍色嘅天空， 再加上清澈嘅池水 ，坐喺餐廳中間已經係賞心樂事。 星期一早上人不算多， 氣溫都係啱啱好， 非常舒服， 坐低飲杯咖啡 ，烘兩塊無花果麥包 ，先食新鮮生果 ，有波羅，蜜瓜， 蓮霧， 藍莓，紅莓 ，西瓜， 香蕉，蘋果，橙， 最特別嘅就係有啲酒煮生果。 煙三文魚，各式火腿，煙肉， 各款芝士 一應俱全， 年中式點心粉麵都有。 自助咖啡應有盡有， 仲有蛋 station ， 炒蛋煎蛋烚蛋奄列都有， 我哋就叫咗素菜奄列， 煎得好靚， 加少少海鹽就已經美味無比。 honey鍾意食甜品 ，呢度早餐提供梳乎厘班戟 ，開心到飛起， 現叫現整， 加啲熱嘅糖漿， 仲有雪白軟滑嘅cream ，兩嚿脹卜卜嘅梳乎厘班戟， 好快就畀佢食曬。 佢話多咗呢個甜品， 本來八十分嘅早餐變咗一百分。 好似小朋友咁 ，呢度啲人都好斯文 ，食嘢好安靜， 服務一流 ，執嘢好快手， 保證人客食得舒舒服服 ，處身喺咁靚嘅環境入面， 出面綠樹林蔭， 藍天碧海
41 瀏覽
0 讚好
0 留言
自助早餐非常豐富， 仲要喺泳池旁邊 ，真係燦爛嘅陽光， 蔚藍色嘅天空， 再加上清澈嘅池水 ，坐喺餐廳中間已經係賞心樂事。
星期一早上人不算多， 氣溫都係啱啱好， 非常舒服， 坐低飲杯咖啡 ，烘兩塊無花果麥包 ，先食新鮮生果 ，有波羅，蜜瓜， 蓮霧， 藍莓，紅莓 ，西瓜， 香蕉，蘋果，橙， 最特別嘅就係有啲酒煮生果。
煙三文魚，各式火腿，煙肉， 各款芝士 一應俱全， 年中式點心粉麵都有。
自助咖啡應有盡有， 仲有蛋 station ， 炒蛋煎蛋烚蛋奄列都有， 我哋就叫咗素菜奄列， 煎得好靚， 加少少海鹽就已經美味無比。
honey鍾意食甜品 ，呢度早餐提供梳乎厘班戟 ，開心到飛起， 現叫現整， 加啲熱嘅糖漿， 仲有雪白軟滑嘅cream ，兩嚿脹卜卜嘅梳乎厘班戟， 好快就畀佢食曬。 佢話多咗呢個甜品， 本來八十分嘅早餐變咗一百分。
好似小朋友咁 ，呢度啲人都好斯文 ，食嘢好安靜， 服務一流 ，執嘢好快手， 保證人客食得舒舒服服 ，處身喺咁靚嘅環境入面， 出面綠樹林蔭， 藍天碧海， 幾種唔同嘅雀仔飛嚟飛去， 陪住我哋度過一個愉快嘅上午。
張貼
