影片
更多
2024-04-20
52 瀏覽
咖哩牛腩煲lunch set 牛腩煲上檯嘅時候會有埋個爐仔熱住個煲，幾時食都熱辣辣～原本以為lunch set咧個價錢應該唔會好多牛腩，估唔到都幾多，而且都幾大舊！個青咖哩好香，攞嚟撈飯就啱啱好！大蝦菠蘿焗飯lunch set 一上檯已經好吸引，大蝦肉質彈牙，啲飯唔會好油，而且味道適中。撈埋肉鬆同菠蘿一齊食，鹹鹹哋加埋酸甜，好正！！生菜包(豬肉) 自從之前試過一次生菜包真係返唔到轉頭，見親必叫！豬肉碎鹹中帶少少醋酸真係好正，可惜我食唔到太辣，所以要一邊食一邊飲嘢🤣🤣 但係又辣又酸嘅豬肉碎加埋咁爽口嘅生菜真係好惹味好開胃～泰式酸辣豬頸肉 豬頸肉又係好食之一，大舊之餘食落爽脆彈牙，加埋酸辣嘅汁，作為前菜真係唔錯😋近排食嘅幾間泰式餐廳都幾高質，咧間餐廳喺尖沙咀The One入面，可以咧個價錢食到咁豐富嘅lunch都算抵食啦～
牛腩煲上檯嘅時候會有埋個爐仔熱住個煲，幾時食都熱辣辣～原本以為lunch set咧個價錢應該唔會好多牛腩，估唔到都幾多，而且都幾大舊！個青咖哩好香，攞嚟撈飯就啱啱好！
大蝦菠蘿焗飯lunch set
一上檯已經好吸引，大蝦肉質彈牙，啲飯唔會好油，而且味道適中。撈埋肉鬆同菠蘿一齊食，鹹鹹哋加埋酸甜，好正！！
生菜包(豬肉)
自從之前試過一次生菜包真係返唔到轉頭，見親必叫！豬肉碎鹹中帶少少醋酸真係好正，可惜我食唔到太辣，所以要一邊食一邊飲嘢🤣🤣 但係又辣又酸嘅豬肉碎加埋咁爽口嘅生菜真係好惹味好開胃～
泰式酸辣豬頸肉
豬頸肉又係好食之一，大舊之餘食落爽脆彈牙，加埋酸辣嘅汁，作為前菜真係唔錯😋
近排食嘅幾間泰式餐廳都幾高質，咧間餐廳喺尖沙咀The One入面，可以咧個價錢食到咁豐富嘅lunch都算抵食啦～
張貼
