Trattoria Felino

營業中

休息中

開業未夠半年，已經吸引咗唔少人嚟食晚餐，平日都滿座啊！店員基本上都係外國臉孔，應該係意大利人呱。*Focaccia 佛卡夏focaccia外層硬脆，趁熱食冇咁硬。配鯷魚紫菜牛油，鹹香鮮味十足。 Carbonara egg $38挖空雞蛋，最底裝入半熟蛋黃，唧入羊奶芝士pecorino嘅cream，最頂係意式豬面頰肉guanciale肉碎。口感好creamy，鹹鹹香香，又唔會膩，簡直係卡邦尼味道。Hamachi carpaccio $148油甘魚魚生片配煙燻洋薊、青瓜薄片，再唧上醬汁、橄欖油、檸檬汁。魚生片份量偏少，魚味淡，反而煙燻味幾強，醬汁酸酸開胃。Parma with love $188Pizza底係focaccia ，麥味好香，帶酸味，硬脆到少𠝹口。配搭巴馬火腿、burrata流心水牛芝士、日曬番茄乾、羅勒，鹹鹹香香，奶味比較淡。整體似麵包鋪餡多過似pizza。Scielatielli $148意粉厚身有咬口，真係意大利人所講嘅al dente，配provola芝士，奶味淡又唔膩，櫛瓜薄片炸到脆卜卜，再加羅勒油，幾特別又和諧。