住家菜 (已結業)

好耐冇去住家菜, 上次禮拜日晚去, 原來佢Sunday Off, 失望! 禮拜六晚通常又好多人.....終於喺啱啱個禮拜六晚又再幫襯, 因為我同boyfriend六點前去, 所以一到六點就有枱, 而且佢原來食埋隔離個鋪位, 地方大咗一倍, 我估下次六點後嚟都應該唔駛等. 唔知而家會唔會開埋禮拜日呢?雖然我哋得兩個人, 但我哋都叫咗兩碗老火湯(蜜瓜响螺豬骨湯)同三個餸:茄子肉蕃茄蛋白蝦球瑟琶豆腐個湯一Ｄ都唔油, 好清甜, D骨煲完仲好有肉味, D餸全部都好味, 尤其係個蝦球, 好茄好開胃, D蝦雖然只係中size, 但鮮到不得了, 一入口已經覺得好正, 蝦味勁濃, 真係蝦有蝦味, 係Ｄ雪蝦同梳打粉蝦無得比嘅, 呢一點希望佢哋可以keep住.份量仲唔細, 唔大食嘅四個人都夠食, 我咁大食都覺得超飽.其實我已經放棄咗好多酒樓嘅中菜, 因為絕大部份係勁油、勁味精、死咸、料唔得, 除非去Ｄ星級食肆比星級價錢啦, 如果想經濟價錢食好嘢, 住家菜絕對係我嘅推介!