影片
更多
2023-05-17
91 瀏覽
而家香港市面上有好多川菜食肆🌶️，有時口痕想食都唔知揀邊間好🤔，我地今次就去咗位於旺角嘅麻辣風雲，係瓊華中心10樓，距離地鐵站步行只需五分鐘～ 鋪頭裝修採用傳統中國風，餐廳空間面積大，座位寬敞，坐得都幾舒服☺️-太極鴛鴦魚🐟 - HKD 388.0首先我地就叫咗招牌菜太極鴛鴦魚🐟，依道菜嘅特色係將酸菜魚及水煮魚合為一道菜，令食客可以同時品嚐到兩種口味嘅魚😋，魚片係用鱸魚原條切成，每塊都好大塊及厚身👍🏻，肉質鮮嫩食落無骨啖啖肉，口感真係令人相當滿足呀🤩，酸菜魚嘅酸味好足，配埋酸菜及入哂味嘅薯粉，一齊食更加有唔同層次嘅酸辣口感呀！🤤水煮魚辣中帶麻🌶️，湯底有蓮藕、木耳及芽菜等豐富配菜，令人回味無窮呀😍，整體魚嘅份量都幾多👍🏻，湯底可以自選辣度，我地就揀咗小辣，少食辣嘅朋友都可以接受呀～-炸饅頭🥖 - HKD 58.0上菜時饅頭🥖溫度微暖，配煉奶食落口又甜又暖肚，外脆內軟，好有幸福感😍，另外值得一提嘅係，店鋪以船作碟上饅頭，係用諸葛先生嘅草船借箭嘅故事，再配上乾冰煙霧，令人聯想起當年諸葛先生係大霧中借箭嘅情景，玩味十足😆，拎嚟打卡一流呀！😏-黑松露煙燻溏心蛋🥚 - HKD 68.0市面上好少見黑松
-
太極鴛鴦魚🐟 - HKD 388.0
首先我地就叫咗招牌菜太極鴛鴦魚🐟，依道菜嘅特色係將酸菜魚及水煮魚合為一道菜，令食客可以同時品嚐到兩種口味嘅魚😋，魚片係用鱸魚原條切成，每塊都好大塊及厚身👍🏻，肉質鮮嫩食落無骨啖啖肉，口感真係令人相當滿足呀🤩，酸菜魚嘅酸味好足，配埋酸菜及入哂味嘅薯粉，一齊食更加有唔同層次嘅酸辣口感呀！🤤
水煮魚辣中帶麻🌶️，湯底有蓮藕、木耳及芽菜等豐富配菜，令人回味無窮呀😍，整體魚嘅份量都幾多👍🏻，湯底可以自選辣度，我地就揀咗小辣，少食辣嘅朋友都可以接受呀～
太極鴛鴦魚
$388
4 瀏覽
0 讚好
0 留言
-
炸饅頭🥖 - HKD 58.0
上菜時饅頭🥖溫度微暖，配煉奶食落口又甜又暖肚，外脆內軟，好有幸福感😍，另外值得一提嘅係，店鋪以船作碟上饅頭，係用諸葛先生嘅草船借箭嘅故事，再配上乾冰煙霧，令人聯想起當年諸葛先生係大霧中借箭嘅情景，玩味十足😆，拎嚟打卡一流呀！😏
炸饅頭
$58
4 瀏覽
0 讚好
0 留言
-
黑松露煙燻溏心蛋🥚 - HKD 68.0
市面上好少見黑松露配溏心蛋🥚，睇餐牌嗰陣覺得好特別，就叫咗嚟試吓啦😂～ 食落去流心蛋黃夾埋少少黑松露香流入口腔，味道香口，可以一試😙
黑松露煙燻溏心蛋
$68
5 瀏覽
0 讚好
0 留言
-
乾煸四季豆🫒 - HKD 108.0
食得肉多就叫個四季豆🫒 解膩，依度嘅四季豆唔會太老，味道唔會太鹹，鑊氣好夠🔥，食落幾爽口，配埋酸菜魚一齊食，滿足到唔同味蕾上嘅享受呀🥰
乾煸四季豆
$108
2 瀏覽
0 讚好
0 留言
-
陳醋手拍青瓜🥒 - HKD 48.0
小菜就緊係唔少得青瓜啦🥒 ，味道酸酸地食落好爽口😋，無論係當開胃前菜抑或飯後小食，同朋友一路吹水一路食，都相當適合😉
陳醋手拍青瓜
$48
3 瀏覽
0 讚好
0 留言
-
花冰蜂蜜綠茶🐝 - HKD 38.0
食到咁上下，梗係叫返杯凍飲清涼吓啦😙，杯嘅形狀採用魚尾設計🧜，相當特別，綠茶味道偏甜，可以用黎解吓辣😆
花冰蜂蜜綠茶
$38
3 瀏覽
0 讚好
0 留言
-
前菜 (海苔花生🥜+中華沙律🥗) - HKD 18.0
每枱客人都會有開胃小菜，花生🥜好脆口，混合埋海苔甜味令人食唔停口，而沙律🥗口感爽口，帶有微辣，拎嚟開胃一流👍🏻
前菜
$10
5 瀏覽
0 讚好
0 留言
-
店鋪整體味道水準唔錯😋，各款川菜保留到傳統味道同時都有創新嘅菜式，俾到客人驚喜🤩，而食物賣相都有好多特色打卡位📸，店員都幾有禮貌，亦會主動幫我地裝水，值得一讚👍🏻，對於想試傳統川菜嘅朋友，依間店鋪真係不失為一個好選擇🤓
張貼
