茶聊

營業中

休息中

「茶聊」係一間隱身於朗豪坊附近工廈嘅樓上Cafe。Cafe嘅裝修行工業風設計，灰色水泥墻身，用鋼鐵組成嘅一格格網狀嘅裝置好有藝術感，成個裝置藝術咁，再配合埋燈光，好有型！Cafe內亦設有仙人掌主題嘅文青打卡位供人影相。 🧡髒髒紫薯鮮奶沙冰（$44）我係比依間餐廳嘅茶飲吸引去嘅，去到見到髒髒奶茶系列幾乎每台必點。我都試咗cafe嘅髒髒紫薯鮮奶沙冰，成杯沙冰滿到想傾瀉而出，視覺效果好震撼，打卡一流！可以飲到好重嘅紫薯味同奶味，又唔會好甜，幾好飲！$44咁大杯野飲，同埋都有質素，飲得又打卡得，值得推薦！🧡忌廉芝士蘑菇釀雞翼（$78）忌廉芝士蘑菇釀雞翼烤得好香口，內餡嘅芝士味好重，都幾好食！🧡海鮮意粉配辣龍蝦汁（$138）唯一有啲失望嘅係個海鮮意粉配辣龍蝦汁！啲蜆應該無吐沙，隻隻蜆都食到有沙。啲蝦都新鮮嘅，但就唔係特別入味，同埋意粉個口感怪怪，咁嘅質素賣$138，唔係咁值。