MEMOIR (已結業)

星期四係老公正日生日，我帶左佢去銅鑼灣MEMOIR慶祝，食完真心推介俾所有煩惱緊去邊間餐廳慶祝既人。我地叫左兩個lunch set，再加小食同甜品。精選餐湯係南瓜湯，入口綿滑，味道濃郁，好好飲。雜菜沙律加左唔少芝麻醬，沙律菜新鮮。芥末汁帶子意粉意粉好creamy，帶子厚肉而且好嫩又彈牙，好好食。香煎澳洲10oz西冷扒配韓式燒肉汁 西冷扒幾厚身，叫左五成熟，煎得好香口，充滿肉汁，伴碟既紫菜味薯條都好脆身，好抵食。吉列牛肉薯餅熱辣辣好正，餡料軟綿綿，香脆可口，必食。飲品叫左凍咖啡同熱咖啡。我之前已經同餐廳講定今日係老公生日，餐廳話會有特別安排，結果超級驚喜，好有心，超抵讚。生日除左有生日牌、蠟燭呢啲基本野之外，估唔到仲有即影即有、生日卡送，最意想不到係送花，好感謝餐廳俾我地體驗到甘難忘既生日餐。生日既甜品擺盤好有心思，真心好靚。French Cake咖啡味同朱古力平衡得好好，一層一層令到口感好豐富，好味道。Earl Grey Panna Cotta質地好綿滑，伯爵茶好出，伯爵茶控一定好鍾意。