影片
更多
2023-12-21
1181 瀏覽
有位同學叫我一定要去食呢間米線關注組第一位🥇我早幾星期特登過嚟，結果佢無開門，真係激死我。今日再戰，終於有開！一入到鋪頭已經有一陣好香嘅酸辣味，呢度用qr code落單，麵底$31，再逐個餸加，仲可以選擇辣度、酸度、麻度、芽菜、蔥、麵嘅份量。又照顧得幾周到。🔸 秘製麻辣湯米線，小小辣、多麻、秘製腩肉-微辣、墨魚丸、蘿蔔、雞肉絲(💰68)🔸 招牌酸辣湯米線少粉，小小辣、多酸、多芽菜、魚片頭、鹵水雞翼(💰50)兩碗麵一黎到已經超香，特別係麻辣湯嘅麻香，真係香氣撲鼻！酸辣湯嘅酸味都好醒胃，食慾大增🤭我較喜歡酸辣，老公較喜歡麻辣！佢每種配料都幾高品質。蘿蔔超甜，腩肉同雞翼好入味，魚片頭又夠彈牙喎。的確唔錯!🔸 甜酸齋(💰24)(7/10)🔸 涼拌青瓜 (💰24)(7.5/10)呢度嘅小食都算大碟！甜酸齋嘅甜味較重，如果酸啲更佳。青瓜係酸辣再加蒜蓉味道，食完咁大碗辣濃味嘅麵，當然要清新一下啦！呢度雖然店舖細細，但米線出色👍🏻下次再黎食過，希望唔好又摸門釘啦🙄Overall評分: 8/10😋
有位同學叫我一定要去食呢間米線關注組第一位🥇我早幾星期特登過嚟，結果佢無開門，真係激死我。今日再戰，終於有開！
一入到鋪頭已經有一陣好香嘅酸辣味，呢度用qr code落單，麵底$31，再逐個餸加，仲可以選擇辣度、酸度、麻度、芽菜、蔥、麵嘅份量。又照顧得幾周到。
🔸 秘製麻辣湯米線，小小辣、多麻、秘製腩肉-微辣、墨魚丸、蘿蔔、雞肉絲(💰68)
🔸 招牌酸辣湯米線少粉，小小辣、多酸、多芽菜、魚片頭、鹵水雞翼(💰50)
兩碗麵一黎到已經超香，特別係麻辣湯嘅麻香，真係香氣撲鼻！酸辣湯嘅酸味都好醒胃，食慾大增🤭我較喜歡酸辣，老公較喜歡麻辣！
佢每種配料都幾高品質。蘿蔔超甜，腩肉同雞翼好入味，魚片頭又夠彈牙喎。的確唔錯!
🔸 甜酸齋(💰24)(7/10)
🔸 涼拌青瓜 (💰24)(7.5/10)
呢度嘅小食都算大碟！甜酸齋嘅甜味較重，如果酸啲更佳。青瓜係酸辣再加蒜蓉味道，食完咁大碗辣濃味嘅麵，當然要清新一下啦！
呢度雖然店舖細細，但米線出色👍🏻下次再黎食過，希望唔好又摸門釘啦🙄
Overall評分: 8/10😋
張貼
