潮藝館

餐廳裝潢幾優雅，座位夠闊落，坐得幾舒服。翡翠蟹肉羮湯羮深綠色，食落濃郁波菜味，入面有蟹肉外，仲有一小舊團子，感覺有啲似雲吞，令口感更豐富。普寧豆腐一碟有4塊，炸得外脆內軟，滿滿豆香。滷水墨魚拼雞腎份量幾多，墨魚片同雞腎都好彈牙，下面嘅豆腐吸哂滷水汁好入味。雞樅菌炒蝦球蝦球大大粒好爽彈，雞樅菌味道幾香，碟底嘅炒西芹都好爽脆。懷舊春菜煲湯底好清甜，春菜煮到腍身，底嘅白蘿蔔吸哂湯汁好吃！😋濃湯蠔仔肉碎泡飯蠔仔好飽滿而且好足料，湯底好濃郁鮮甜，nice！👍最後食埋甜品桂花糕，賣相係玫瑰花好可愛，感覺幾清新。整體餐廳食物質素唔錯，而且賣相幾精緻，份量亦幾大碟，同朋友聚會想地點方便，坐得舒服，呢度都唔錯喎。