黑門水產すいさん (棉登徑)

岩岩去完日本，系當地食過磯燒水產，返到黎都好掛住，所以返香港搵左間磯燒水產食。極上大漁貝燒 $128呢隻貝燒材料非常豐富，有乒乓波禁大粒既帆立貝、海膽、蝦、廣島蠔、三文魚籽，仲有啲葱粒、蘿蔔片同特製醬汁作調味，因為煮熱左海膽，溶左落醬汁內，味道鮮甜之餘仲幾creamy，湯汁都好重鮮味，好味到連湯都飲哂，一隻2個人share都夠食。海膽蟹味噌甲羅燒 $88甲羅燒比一般既大隻，多膏，食落夠creamy，幾重蟹味，仲配左梳打餅夾埋一齊食。燒青椒仔 $48叫左一條青椒仔，青椒仔細細條，一共4條，價錢比想像中貴左啲。明太子大魚炒飯 $168怕吾夠飽，叫左個炒飯食，炒飯都有2人份量，加左明太子既關係食落咸咸地又帶少少辣，蟹籽咬落卜卜聲，仲有切碎左既大魚黎炒飯。食埋個炒飯就岩岩好飽，價錢圍返都系$200幾蚊，個人最鐘意極上大漁貝燒，食過回味。