Espresso Alchemy

營業中

休息中

我平時去到一個吾熟悉地方，通常打開open rice程式搵好野食，今日去到如心廣場行街，打開apps搵餐廳醫肚，發現Espresso Alchemy 係如心廣場有分店，於是立即往餐廳方向行過去，原來荃灣西西鐵站行過去都吾遠6分鐘路程左右。我係早上去既，去到門口已經好多人，有啲人係度等外賣，有啲人就等入座，我都排隊拎飛，等左大約7-8分鐘就可入座。呢度坐低選好餐後，要出去排隊俾錢落訂單，整個落單過程都好快，落完單坐低一陣飲品已經到左，我叫左一杯美式咖啡，第一次飲美式咖啡，真係超級苦，有啲飲吾慣🤭，跟住到香煎虎蝦辣番茄汁意粉，我食落一點辣都感覺吾到，不過番薯汁煮得幾香口，食落吾會太酸，茄汁中落左芝士好煙韌。最後一樣上菜係，豬頸肉卷餅配芥末籽醬，個餅真係要大讚，廚師煎出黎吾會太干或太濕，油份控制得剛剛好，甚至比北方食肆的做法仲要出色，一口咬落去感覺蔬菜份量好多，再咬幾口做食到香濃的豬頸肉，再配埋芥末籽醬，加上餅的香味又脆，配合起來味道無得頂，以$119價格黎講有2大卷正常人一定飽到飛起。