新興食家

營業中

休息中

疫情下二人一枱，幫襯新興真心坐得舒服咗，呢間西環名店基本上樣樣點心都唔錯，好味在於人手製作，不過在眾多點心之中，我覺得炸鮮奶同鵪鶉蛋燒賣。老老實實，炸鮮奶真係要新鮮炸出黎先至好食，試過一次叫咗一件應該炸好咗一段時間嘅，真係麻麻地，不過如果大家係星期六日公眾假期去就好少有呢D情況出現。至於鵪鶉蛋燒賣，我就食過三次，我覺得個鵪鶉蛋蛋黃唔會蒸得太實(不過當然唔會有流心啦)，不過我都覺得OK，基本上出面好少食到鵪鶉蛋燒賣(點心專門店除外)。