黑門水產すいさん (棉登徑)

今天是我和太太的結婚紀念日，我和太太一起去尖沙咀食晚飯；到尖沙咀棉登徑，有多間日本料理和居酒屋，我們選擇了黑門水產，這是一間曾經有朋友介紹過，它的燒物十分之有水準！門面亦都相當吸引，內裏坐得舒服，可能因為我哋坐卡位啦！雖然這餐廳也是用手機點單，但係還放著一本比相簿還富豐的彩色菜單，相當吸引，坐低首先一定要點佢哋嘅甲羅燒啦，和大魚貝燒，再加個池魚薄切魚生；服務員可能因為我哋早嘅關係，佢專程喺我哋枱面燒那甲羅燒和大魚貝燒！真係色香味美；而甲羅燒如果可以多幾塊餅乾就好喇！因為實在有好多蟹膏！大魚具燒的蝦和帶子，真係十分之新鮮和鮮甜！當然薄切池魚都爽滑甜美，特別嘅醬汁帶出池魚的鮮味！之後我哋再點咗一個鰻魚漢堡、三文魚火山和燒海老反卷！鰻魚漢堡外型吸引，打卡首選！用紫菜包裹嚟食別有風味！三文魚火山好特別，用簿簿嘅三文魚包着小壽司卷，好有特色！燒海老反卷，將蝦炸得脆脆，包在反捲內，食落好有層次感，亦都好香脆，可說是首選！最後點了一個雪糕密瓜！回味一下當年在大板黑門市場，我和太太食嘅雪糕蜜瓜，為我們的結婚紀念日帶出一個美好嘅回憶！