河內越式料理

營業中

休息中

越南菜喺香港非常普遍，我自己覺得河內越式料理係其中一間性價比高嘅越南餐廳。今日同朋友嚟到尖沙咀分店食晚飯，主菜加小食加飲品都係$100以下。- 會安雞絲撈檬河內越式料理既撈檬可謂以量取勝，雞絲多到覆蓋左半個碗。其他配料都好豐富，包括青瓜絲、蘿蔔絲、花生碎、油拌青蔥碎等等。魚露味道比較清甜，啱晒而家咁熱既天氣👍🏻- 順化蕃茄蟹肉扎肉湯檬湯檬非常大碗，中間有好多鮮甜既蟹肉，番茄湯底非常濃郁，酸酸甜甜夠晒開胃，檬粉份量多，而且好索汁，仲有其他配料包括扎肉、豆卜同芽菜。- 越式炸蝦餅蝦餅切開左四份，肉質彈牙，點埋甜辣醬仲惹味。- 越式豬頸肉豬頸肉好大片，外皮香脆，但肉質太煙韌，唔係好咬得開🤔越式飲品當然唔可以錯過，我地叫左越式青檸冰同熱情果梳打，非常大杯，消暑一流。