影片
更多
2022-05-03
115 瀏覽
搬咗新店咁耐都無黎過！酒鬼見到今個月有冧酒提子bagel即刻狗衝！佢地主打無添加嘅天然手工麵包，每個月都有新口味，仲好創新獨特添~新店比舊店大得多，所以weekend黎到都唔需要等好耐，around十分鐘就入得。不過枱同枱之間距離較近，唔算好好hea~————————————————⠀🔅四月限定🔅▪️冧酒提子乳酪咖啡貝果 $45酒鬼就係為咗佢而黎！果然無令我失望！中間嘅cream cheese份量十足，冧酒味突岀，尤其係咬爆提子乾個吓。貝果表皮微微脆有韌性，內𥚃軟熟有咬口，整個煙韌得黎唔會咬唔開。如果回彈力更高 會更合口味。包體嘅咖啡味被強勢嘅冧酒蓋過，若隱若現，不過單純咀嚼包體，都可感受到咖啡香越咬越岀。如果咖啡可以再濃苦啲就好啦，可以balance返cream cheese嘅膩。▪️泰式肉碎芝士羅勒熱狗 $68熱狗相對普通啲~ 肉碎只帶香茅羅勒香，重口味人士就覺得唔夠辣唔夠惹味。不過加左幾滴青檸汁，真係有少少泰式嘅感覺嘅~ 肉碎亦唔會太乾太韌。 — — — — — — — — — — — — — 🔅季節限定特飲🔅▪️芒果甘露
新店比舊店大得多，所以weekend黎到都唔需要等好耐，around十分鐘就入得。不過枱同枱之間距離較近，唔算好好hea~
————————————————⠀
🔅四月限定🔅
▪️冧酒提子乳酪咖啡貝果 $45
酒鬼就係為咗佢而黎！果然無令我失望！中間嘅cream cheese份量十足，冧酒味突岀，尤其係咬爆提子乾個吓。貝果表皮微微脆有韌性，內𥚃軟熟有咬口，整個煙韌得黎唔會咬唔開。如果回彈力更高 會更合口味。包體嘅咖啡味被強勢嘅冧酒蓋過，若隱若現，不過單純咀嚼包體，都可感受到咖啡香越咬越岀。如果咖啡可以再濃苦啲就好啦，可以balance返cream cheese嘅膩。
▪️泰式肉碎芝士羅勒熱狗 $68
熱狗相對普通啲~ 肉碎只帶香茅羅勒香，重口味人士就覺得唔夠辣唔夠惹味。不過加左幾滴青檸汁，真係有少少泰式嘅感覺嘅~ 肉碎亦唔會太乾太韌。
— — — — — — — — — — — — —
🔅季節限定特飲🔅
▪️芒果甘露 $52
真係有楊枝甘露嘅感覺喎！最底嘅果醬係用新鮮芒果同金鑽鳳梨加黑糖煮成，再加上鮮奶。比起平時嘅楊枝甘露，飲落奶啲fresh啲無咁甜。個人鍾意呢杯多過平時嘅楊枝甘露，略嫌佢有啲水果纖維 偶爾飲到唔太順口。
— — — — — — — — — — — — —
▪️焦糖肉桂卷 $52
岩岩先食飽lunch，但肉桂控見到又忍唔住嗌埋。肉桂卷質地偏軟熟，微微帶咬口。旁邊配左好濃好好食嘅海鹽焦糖醬。肉桂香氣突岀，但就唔算好濃郁。雖然加左焦糖醬 鹹鹹甜甜 可以一添層次感，但肉桂味容易被焦糖醬蓋過。
張貼
