星怡

營業中

休息中

星怡係iSquare新開嘅星馬餐廳，黎開哩度個市集見倒星怡個Menu價錢唔貴，環境都好乾淨企理座位唔會好迫咁，就入去試下。午餐只有星期一至五先有，周末只有散叫，不過每款菜式都係幾十至百幾，價錢合理，選擇都好豐富，飯麵、小食、海鮮、甜品同飲品都有好多款揀。串燒($98/6串) - 串燒有豬牛雞三款揀，唔會燒到乾柴柴，蘸沙嗲醬食非常惹味。南洋咖央多士($48) - 咖央多士有三款唔同口味，分別係蛋黃、榴槤同班蘭，我地揀左蛋黃。多士烘到脆地但又唔會太硬，中間夾左厚厚嘅鮮牛油，蛋黃咖央甜甜地，配埋微鹹嘅鮮牛油食真係絕配。新加坡鮮蝦喇沙麵($88) - 哩度淨係喇沙都有好多唔同配料揀，好似魚蛋、鮮蝦、大蝦、安格斯牛或者北海道帶子。我地揀左鮮蝦，入面除左有六隻蝦，另外仲有豆卜、半熟蛋同芽菜。麵量都幾多，麵質唔會太腍，喇沙湯底椰香味啱啱好，帶少少辣味，味道濃郁惹味。馬來西亞拉茶($28) & 鳳梨水果茶($39) - 拉茶味道香濃，唔會太甜，就算飲到最後冰溶左都唔會太淡。鳳梨水果茶入面除左鳳梨，仲有檸檬、藍莓、紅肉火龍果，色彩豐富賣相吸睛，味道酸酸甜甜非常開胃。總結，野食唔錯，價錢亦合理，座位亦闊落