更多
2024-04-12
60 瀏覽
Awesome Bar & Cafe 近尖東站,地段優越。餐廳佔地兩層,上層有個好大嘅熊仔logo,一定唔會睇唔到,大門口有條長樓梯,兩邊櫥窗放滿左過百隻Bearbrick,全部都有唔同造型,一定要打下卡🐻店內分咗吧枱區域同用餐區域,吧枱嘅設計好fancy,happy hour 時段可以過嚟小酌幾杯。餐廳嘅菜式貴精不貴多,主打唔同種類嘅海鮮,今次就試咗其中三款。🍽️ 香煎比目魚柳伴醬燒鮑魚比目魚煮得好香脆,皮脆肉嫩,魚肉入口香滑。燒鮑魚雖然比較迷你,勝在夠煙靭,配埋特製嘅燒汁,好濃味。伴碟有香滑薯蓉、法式豆角同小蕃茄,沾上鮑魚燒汁一齊食仲惹味。🍽️ 西班牙海鮮意大利飯意大利飯煮到好硬身,米飯粒粒分明,冇多餘嘅水份,而且奶油味好香。主角帶子大大粒,爽口又彈牙,其他海鮮仲有蜆同蝦,大大隻幾新鮮。🍽️ 香辣檸檬汁大蜆三文魚籽意粉蜆肉辣辣地,幾開胃,加埋三文魚籽一齊食,好有口感。意粉軟硬度啱啱好,而且非常掛汁,配埋鮮甜蜆肉汁入口,回味無窮。Awesome Bar & Cafe尖沙咀科學館道14號新文華中心地下1D及1樓100號舖
店內分咗吧枱區域同用餐區域,吧枱嘅設計好fancy,happy hour 時段可以過嚟小酌幾杯。餐廳嘅菜式貴精不貴多,主打唔同種類嘅海鮮,今次就試咗其中三款。
🍽️ 香煎比目魚柳伴醬燒鮑魚
比目魚煮得好香脆,皮脆肉嫩,魚肉入口香滑。燒鮑魚雖然比較迷你,勝在夠煙靭,配埋特製嘅燒汁,好濃味。伴碟有香滑薯蓉、法式豆角同小蕃茄,沾上鮑魚燒汁一齊食仲惹味。
🍽️ 西班牙海鮮意大利飯
意大利飯煮到好硬身,米飯粒粒分明,冇多餘嘅水份,而且奶油味好香。主角帶子大大粒,爽口又彈牙,其他海鮮仲有蜆同蝦,大大隻幾新鮮。
🍽️ 香辣檸檬汁大蜆三文魚籽意粉
蜆肉辣辣地,幾開胃,加埋三文魚籽一齊食,好有口感。意粉軟硬度啱啱好,而且非常掛汁,配埋鮮甜蜆肉汁入口,回味無窮。 Awesome Bar & Cafe
尖沙咀科學館道14號新文華中心地下1D及1樓100號舖
張貼