影片
更多
2024-02-13
496 瀏覽
初三赤口冇去拜年就去咗銅鑼灣行吓街，去到希慎廣場嘅IT 入面j.s foodies見到個Menu有「空氣pancake」 同埋啲pasta個樣覺得幾吸引就入去試試。兩個人叫咗一個明太子海膽意粉、一個黑松露薯條、一杯Matcha Latte 同一份原味pancake。餐點價錢雖然唔算平（個pasta $2xx)，但係份量都唔少，而且都幾足料，明太子意粉真係成碟都明太子忌廉汁，同埋用上幼意粉食落冇咁滯。黑松露薯條呢就係粗粗地嘅薯條，見到有啲仲連住咗啲薯仔皮，上面淋上一大Pat酸忌廉同埋黑松露醬，$68嚟講，非常抵食。杯Matcha Latte都好濃抹茶味，亦都唔會有死甜嘅感覺，好味道！最後當然係甜品原味pancake ，Flipper’s 嘅疏乎厘pancake喺日本就食過，香港開左咁耐都未試過，果然冇令我哋失望，三大塊脹卜卜嘅pancake，入口就溶化，唔需要另外點蜜糖或者糖漿，只要加少少忌廉食已經非常好味。另外值得一提我哋坐咗去Afuri 果邊，見到啲人食拉麵其實都幾吸引，下次可以再嚟試吓！
兩個人叫咗一個明太子海膽意粉、一個黑松露薯條、一杯Matcha Latte 同一份原味pancake。
餐點價錢雖然唔算平（個pasta $2xx)，但係份量都唔少，而且都幾足料，明太子意粉真係成碟都明太子忌廉汁，同埋用上幼意粉食落冇咁滯。
黑松露薯條呢就係粗粗地嘅薯條，見到有啲仲連住咗啲薯仔皮，上面淋上一大Pat酸忌廉同埋黑松露醬，$68嚟講，非常抵食。
杯Matcha Latte都好濃抹茶味，亦都唔會有死甜嘅感覺，好味道！
最後當然係甜品原味pancake ，Flipper’s 嘅疏乎厘pancake喺日本就食過，香港開左咁耐都未試過，果然冇令我哋失望，三大塊脹卜卜嘅pancake，入口就溶化，唔需要另外點蜜糖或者糖漿，只要加少少忌廉食已經非常好味。
另外值得一提我哋坐咗去Afuri 果邊，見到啲人食拉麵其實都幾吸引，下次可以再嚟試吓！
張貼
