邊個奸夫咁大膽？講緊香港人幫佢起咗奸夫呢個花名嘅Craftholic宇宙人咋。嚟緊佢地會喺台北開主題常設Cafe，多款美食同甜品都變成Craftholic得意造型，各位男士認真要小心呢位隨時俘虜女心嘅奸夫呀！

叫得主題Cafe，當然要睇下有咩嘢食啦。飯麵都有Craftholic大頭，鹹塔嘅多士亦相當趣致，記得相機先食。

女孩子最愛嘅甜品亦有靚靚賣相，就算行程再忙都可以嚟食件蛋糕打個卡。

最後仲有飲品，呢個水果冰茶飲完之後，杯緣子仲可以拎走做紀念品㗎！

臨走前記得同Cafe入面嘅Craftholic嚟張Selfie，咁先完滿㗎嘛。Cafe 10月1號開始試業，不過好彩係常設Cafe，可以等熱潮過咗，再去台北潮聖！

宇宙人主題餐廳 Craftholic Cafe
地址：台北市大安區光復南路280巷28號1樓
照片來源：宇宙人主題餐廳Facebook