【白色情人節】沖繩紫薯黑糖蛋糕~好pure好true呀

順利過渡咗2月14冇耐，話咁快就嚟又一個月，即係3月14，白色情人節又到。不過而家開始準備咪唔使煩囉。嗱，料都幫你哋攞埋。

雖然啲女仔成日話肥肥肥，但係一見到朱古力呀蛋糕呀紫薯呀甜品呀咁就會又即刻食食食。呢個白色情人節限定嘅沖繩紫薯蛋糕系列好似都幾啱囡囡心，外層係純白色嘅牛乳忌廉，再舖咗幾塊白朱古力花瓣做點綴。

切開蛋糕裡頭仲可以見到層次相當之豐富，由白到啡到紫到黑色都有。唔同色梗係唔同味啦，牛乳忌廉下面嗰層就係朱古力蛋糕，一路數落去就係玫瑰寒天、竹炭蛋糕、沖繩紫薯黑糖、沖繩紫薯牛乳忌廉、竹炭蛋糕同朱古力脆米。又香又滑，係吸引嘅呢~ 吖，個名叫戀白之花語呀介紹返。

如果你（個囡囡）好細食，食唔得晒咁大個，可以揀個戀白之花語cake little，size細啲，但味道一樣令囡囡甜入心！

詳情：東海堂
查詢電話：2739 1328
訂購網頁：https://www.aromebakery.com.hk

文：Kar

隨時接收最新資訊
讚好OpenRice專頁！