 | 花C9食堂 花C9自小王子出世後淡出教琴工作，專心湊仔。喜歡利用不同食材鑽研菜式，讓孩子養成不偏食的好習慣。 |
很多時候出席小朋友party，大家通常會預備肉醬意粉及各款特式三文治，另外再加一盆咖喱薯仔雞翼及白飯作熱葷，讓大家享受。結果派對過後，餐桌上往往會剩下大半盆意粉、一堆三文治以及咖喱、小食等。
今天花C9就推介一個大小朋友都啱食的主菜──羅宋湯炆牛肋條，這道餸有粟米、甘荀、洋葱、番茄等高纖蔬菜，而牛肋條能夠提供豐富蛋白質，配意粉或白飯皆一流。要是不想吃飯或意粉，烹調時也可加入薯仔，以代替澱粉質。
選購牛肋條小貼士
花C9喜歡於大型超級市場購買冷藏食品，而牛肋條普遍有加拿大和巴西兩款，花C9認為後者出產的較美味，炆起來亦較腍，適合小朋友吃。
處理牛肋條的注意事項
將牛肋條解凍洗淨後，緊記用廚房紙巾印乾，並抹去血水。另由於牛肋條是冷藏食物，會帶有雪味，所以必須先出手去除腥味。建議將紅葱頭及洋葱頭輕輕炒香，可令餸菜的湯汁變得更清甜，牛肋條吃來亦會更香口。簡簡單單，配上白飯又一餐，是大人小朋友的下飯首選。
《材料》
牛肋條 1包(約1KG)
洋葱 半個
紅葱頭 2粒
葱枝 1束
薑 3片
甘荀 2條
栗米 1條
番茄 3個
馬鈴薯 1個
羅宋湯 1罐
《做法》
1. 先將牛肋條解凍，建議準備一盤水，將牛肋條連包裝袋置於盤中，以保新鮮。
2. 把薑紅葱頭切片，葱切段，洋葱切絲備用。
3.番茄薯仔粟米及甘荀切件備用。
4. 牛肋條先以薑及葱出水,去除雪味,然後將之切件。
5. 燒熱鑊 下油,先加入紅葱頭及洋葱輕炒。
6. 加入牛肋件 爆炒至微黃, 然後放入粟米甘荀煮大約10分鐘。
7. 加入番茄薯仔,倒入羅宋湯,滾起加蓋轉小火,炆約30分鐘。
8. 熄火多焗10分鐘,重覆1至2次,直至牛肋骨煮至軟腍即成。
※上述內容純屬作者個人意見，不代表本網立場。※