對於火鍋Fans嚟講，夏天開住冷氣打邊爐當然係無難度，如果加埋餐廳有新口味嘅話，就更加多個理由去「滾」啦！呢間尖沙咀同銅鑼灣都有分店嘅新派火鍋餐廳最近推出夏日限定「四國豐味」四格火鍋，之後亦會有啱哂父親節嘅「火焰醉牛魔」，加埋特色配料就更加滿足。
 

酒鍋即日起推出「酒鍋三十道豐味」精選火鍋菜單，當中主角自然係全新推出嘅「四國豐味」四格鍋，以東南亞風味為主題，四款湯底分別係清甜海南椰子雞、泰式風味青咖哩海鮮、招牌四川麻辣同新加坡肉骨茶。當中以肉骨茶香味最濃，越滾越有藥材同排骨嘅淡淡甘甜味。
 

有湯底當然要配埋特色配料，菜單包括近30款配料，例如掛架頂級美國安格斯牛頸肩、自家製手工餃子，「酒鍋黑啤熊」（墨汁墨魚丸）同「開心咪酒雞」（南瓜墨魚丸）。
 

六月嘅父親節亦會有新嘢試！「火焰醉牛盛宴」由6月9號開始供應，當中「火焰醉牛魔」用韓式泡菜湯底，配搭中間嘅頂級安格斯牛頸脊。上枱後店員會將清酒淋上牛肉塔再點火，唔單止可以令牛肉增添酒香，亦令視覺效果更加吸引。
 

想再食得豐富啲？餐廳另有一系列創新配料，包括七星報喜（七種口味墨魚丸）、三拼福袋、海鮮拼盤、黑毛豬腩肉玫瑰拼盤同即炸手工紫菜響鈴卷等。
 

餐廳叫得做酒鍋，當然亦唔少得一系列Signature Cocktail同Mocktail，另外亦有香口小食，例如鬼五馬綠（黑松露醬蝦膠釀油炸鬼），紫蘇蝦餅、紫蘇蝦餅同即炸南乳雞翼。呢個夏天Happy Hour又多個選擇喇。
 

「酒鍋三十道豐味」
供應日期：即日起至2017年8月30日
供應時間：星期一至四18:00至20:30及22:30至01:00；星期五及六晚上22:30至02:00；星期日22:30至01:00
 

「火焰醉牛盛宴」
供應日期：2017年6月9日至另行通知為止

文、相、片：Cathy