7月份好評十強雖然三甲位置仍然是熟悉的食店，但第四位開始變動卻很大，很多都是新開業的食店，包括主打石鍋手打烏冬的火山石、雪花冰新貴糖百府的分店、賣懷舊粵菜的蓮香居、口味正宗的麻辣媽媽以及主攻日式布甸的和櫻屋。
（Cover Photo by jimmie）

*排名機制：以當月的笑臉減去喊臉食評數目計算，如結果相同再按笑臉數目以及當月餐廳所得的平均得分排名。

注目上榜餐廳

（Photo by jimmie & 瑋琪仔）
第四位 火山石石鍋手打烏冬專門店
最近旺角新開一間主打石鍋手打烏冬的專門店，石鍋烏冬滾熱辣上枱，有光顧過萬豚屋的食家定必立時想起與之比較，不少食家也在食評提及，其實兩店各有各優點，火山石供應海鮮、豚骨、咖喱、辛辣及黑胡麻湯底，當中以龍蝦味道為主的海鮮湯烏冬最受歡迎，小食中以七味照燒雞翼最多人捧場。
jimmie：7味照燒雞翼必食！有些小辣，7味粉加照燒醬，很搶口，正!!只要雞翼大隻了點，細一點多一隻女士更歡喜!!
羊家兄妹：喝一口湯...很香濃的龍蝦湯味...鮮味剛剛好...不會澀...而且熱辣辣的加倍美味...手打烏冬尚算彈牙有咬勁...不過有些烏冬黐了底....夾上來的時候會不小心被滚湯彈到手...吃到尾聲石鍋仍然很熱...我覺得以七十多元價錢...很不錯呢。
瑋琪仔：黑胡麻豬扒手打烏冬：侍應上檯時，見到塊豬扒黑蚊蚊，賣相唔多討好，但食落時發現係另一回事，豬扒好淋身，一d都唔"鞋"，芝麻好香口，初時以為會好重黑胡椒味，但原來食落唔係胡椒味亦唔辣。

（Photo by 成日掛住食 & 不眠王子）
第五位 糖百府
今個夏天的飲食熱潮非台式雪花冰莫屬，糖百府更是當中的表表者，分店更是開完一間又一間，最新旺角廣華街的分店也打入七月的好評榜中，而且整個月15個笑臉也沒有一個劣評紀錄，味道水準沒有因為分店而下降，而且有食家說此店的份量比總店更多呢！
不眠王子：咖啡雪花冰配煉奶及朱古力樹皮只係賣$25，呢個組合最隱陣，味道肯定夾，咖啡味相當香濃，加咗煉奶味道無咁齋，雪花冰嘅口感同元祖店無分別。
愛食：入口即熔但仍好凍，好過食刨冰又凍又要咬，而最欣賞佢就唔同刨冰咁，冰係淡淡o既白開水，o係面上淋啲糖漿，呢個係先開好咖啡雪成冰至炮製，所以啲冰係有味道。
grace0721hk：我覺得個杏仁糊幾杰身下，唔會太稀其實ok，不過個味道好似淡左少少，即係唔會令你覺得有好濃既杏仁味，反而我要左一粒芝麻一粒花生湯圓我覺得幾好wor...個皮又薄，而且餡又多，好鍾意花生餡...好香!!

（Photo by LI-睇錢食飯& 千里獨行的絕世孤寂）
第六位 蓮香居
當蓮香樓和蓮香居仍在爭辯商標問題時，作為食客的食家就只會為味道表態，七月份不少食家均光顧新開業的蓮香居，對其懷舊風味及古法美食甚表欣賞是不爭的事實，因為無論裝潢、陳設、茶具、痰罐都保持老茶居風味，午市的點心以及晚市供應的八寶鴨、古法金錢雞、鴨腳包等都是坊間少見的懷舊菜式。
LI-睇錢食飯：蓮蓉飽：皮香且軟；蓮蓉細滑、清甜；蛋黃流油；但她的身價，比她近親，蛋黃蓮蓉月，差了廿倍。
daniel3388：鴨腔內「八寶」除銀杏外都被炆得粉腍，一切配料盡數吸收鴨之精華，濃油膩醬，嚼下去倒有點像濕透了的糯米雞但卻有八、九種不同口感層次，實為上品。
千里獨行的絕世孤寂：粵式蒜子生炆斑尾：現代食肆貪方便所以多數把海鮮清蒸，這種斑尾“拉油”再用肉絲、豆腐弄個紅燒芡汁扣上，已屬“古法”了！魚肉滑溜鮮味，與濃味的芡汁相當配合，不大吃魚的我也吃了不少！

（Photo by ~Maggie‧W~）
第七位 曾記粿品
這間潮州粿品店歷史悠久，由從前的上環潮州巷搬到熟食中心重開，仍然有不少人慕名光顧，粿品有鹹甜兩類近十款選擇，當中以韭菜最受歡迎，堂食的話即叫即煎，外脆內熱，亦有不少人買回家自己煎。
~Maggie‧W~：抄糕粿就到啦~個賣相非常吸引~以為佢會好咸~點知原來係甜甜的~~熱熱的~非常好吃~有d似油淋d ge上海年糕，朋友覺得熱的甜食唔好味~~我差唔多吃曬全碟~但係~正!!!!!!!d抄蛋先係全碟的精華!!!!
豬肉榮22：煎香左先食，味道真的不差，九菜粿比筍粿更好味，因為筍粿d皮厚得多，就算煎左，都唔夠脆，無咁好食！果然無介紹錯，一隻3.5元，可以話又平又正！
wong alice：不過原來size都幾大隻，味道十分之好，韮菜係最好食的一種，煎到脆卜卜，有豬油的香味，芋頭就無咁好食，入面的芋頭切成一粒粒，如果再細粒少少就perfect！蘿白係白蘿白，切成絲來包粿，味道都唔錯。

（Photo by Yan~* & 唔食都知唔好食）
第九位 麻辣媽媽
香港人越來越喜歡吃四川麻辣菜，新店一間接一間，數月前開業的麻辣媽媽受食家追捧，雖然此店為遷就港人口味把麻辣度減低，但選料大部份由四川及成都進口，廚師有川菜底子做法地道，而且據知辣度有八級選擇，嗜辣的可以挑戰一下。
Yan~*：份量真是好大好大，大到他也給嚇了一跳！我也把甜品餐單放低了，出盡全力幫襯了一小碗；發覺豬手煮得香麻軟稔很可口，而更難得是酸辣湯底既香又帶麻，同時竟保持陣陣鮮味，口味十分吸引，足以掩蓋粉條略過稔的小缺憾。
唔食都知唔好食：小辣的口水雞也是非常認真，應該一碟也有四份一隻雞吧，而且有齊蒜泥、蔥花、花生碎、芝麻及大量的紅油，雞肉以白水灼煮夠正宗，味道也是調配得宜，辣度以小辣來說，吃得很舒服。
蝗蟲同學：口水雞係呢度招牌之一，對佢幾有期望，亦果然無失望 -- 醬汁辣度剛好 (不過我的受辣程度只屬小學級，嗜辣的可能覺得唔夠)，幾麻，十分惹味，送飯一流；雞件皮薄脆，肉滑，仲食到點雞味，正。

（Photo by 不眠王子 & 蝗蟲同學）
第十位 和櫻屋
最近北海道牛奶熱潮持續，不少蛋糕甜品店都標榜使用3.6牛奶炮製，但論到最能表達這種牛奶神髓的甜品店，首推新開不久的和櫻屋，牛奶布甸除了用北海道3.6牛奶，雞蛋、忌廉甚至糖也是由日本入口，不用魚膠粉去凝固，令布甸更為滑溜，其中原味布甸有黑蜜、楓蜜等糖醬選擇，更會推出季節限定口味。
不眠王子：黑芝麻布丁絕對不能錯過，黑芝麻香濃到不得了！布丁香、綿、軟、滑，正到食完返咗屋企都仲回味緊。
蝗蟲同學：Yuzu pudding($28): 滑溜，密度低，天氣熱溶得好快…奶味幾香，柚子味點到即止，面頭的粒粒柚子皮(??)脆卜卜又帶甜，加加埋埋幾好食。
tamala：選料上乘，多來自北海道，包裝亦精美。從外到內都顯見店主兩夫婦的心機，再加上他們態度和藹可親，為食貓當然食過番尋味，一去再去。