*排名機制：以當月的笑臉減去喊臉食評數目計算，如結果相同再按笑臉數目以及當月餐廳所得的平均得分排名。

注目上榜餐廳

（Photo by Sui Yan & chingmotorbus）
第三位 糖百府
近月來糖百府多次躋身每月好評十強榜，早前是旺角兩間分店，今次是西灣河分店，實力強勁。有層次感的雪花冰和多種自選配搭配料一向是此店的強項，雪花冰吃下去清涼消暑帶點雪糕的感覺，卻不似雪糕般奶味重，難怪大受歡迎。
Sui Yan：d冰花軟綿綿，好似食雪糕咁，但又冇雪糕咁甜，好清新，解渴！响而家大熱天時，真係消暑良方！唔怪得咁人氣啦！
陳真：真的的綿綿冰，層次感好重，不同那些A貨出品的，只是一片片薄冰而已。由於是牛奶冰，再加了煉奶做topping，味道有點creamy，但又有冰極的感覺。朱古力粉只是用來變一變味道，但冰奶的口感, 真是不錯。
小勁健：好立克的味道夠濃郁，配合食友介紹的粟米片，吃下去感覺新穎，另加的芒果粒雖然份量不多，但每粒也夠甜。整體上的感覺十分不錯，是一款可以翻兜及向老友推介的甜品。

（Photo by 為食熊少爺 & Rabbitgirl）
第五位 Saizeriya Italian Restaurant
來自日本走平價路線的意式餐廳Saizeriya將軍澳店，過去兩個月都打入好評十強榜，是次擠身第五位的卻是首間攻港的荃灣店。平價仍然是食家讚賞得最多的部份，當中Pizza及墨魚汁意粉是必叫的選擇。
為食熊少爺：這裡的燴飯，屬於「穩穩陣陣」的那種，蕃茄味道算香濃，飯也軟硬適中，海鮮配料多樣化，但總的來說，是一道以兩隻青口掛帥的「海鮮」燴飯~~
食物小隊---粉仔：粉仔覺得如果大大們哪天身上錢不多，又想大吃大喝(因為它的飲品bar叫食物只需要$13，便可以任飲汽水、茶、咖啡)這間店真是不錯的選擇~~食物質素當然算不上超好美，但至少有一定的水準。
Rabbitgirl：煙肉菠蘿pizza就必叫，因為又平又正，我男朋友同屋企人一致認為好味過pizza hut，因為啲皮夠鬆脆，面包唔太厚，無太飽感覺，而上面層芝士特別好味。

（Photo by mymelodyBB & 小貓子）
第六位 花月庭
花月庭的自助餐向來高踞自助餐排行榜位置，8月份的好評更加多，食家普遍讚賞自助餐食物款式多，尤其熱盤連乳豬、豬腳薑都有，比較少見，而且有即煮意粉及即製Pizza，雖然食物質素不算高但價錢相宜，服務質素亦不俗。
fishfish85：bf話冷盤d龍虾仔反而好鮮甜，佢食左1x隻，另外燒肉眼扒都唔錯，我自己最仲意佢個即製意粉，有我最仲意既墨魚麵。d waiter好有禮貌，好快收拾枱上吉碟。
gracelwy：黎過幾次都係呢間好~~選擇多之餘坐得舒服~~刺身轉左即切.....感覺比以前衛生!!三文魚同吞拿魚都好新鮮！
小貓子：其他的芒果cheesecake、芒果忌廉筒、芒果榛子慕絲、芒果熱情果cup cake等，都幾好味，食到唔停得。最後食埋杯豆腐味雪糕，為哩餐甜品buffet劃上咗完滿句號。

（Photo by wjoey2 & Veo）
第七位 上品火鍋料理
這間位於天后的新派火鍋店走高級路線，由湯底開始已款式多多，例如有宮崎牛尾鍋、花膠魚翅鍋、花膠雞燉翅群等，一般火鍋料選擇多不在話下，此店更自設魚池，供應活魚刺身質素亦不俗，有食家說可媲美日式刺身店。
BB蛋：手打包心丸：太多款，有牛丸包冬陰公湯，墨魚丸包番茄湯，豬肉丸包唔記得咩湯，D丸全部都好味~試咗咁多款我終於解究到距地用黎包心嘅米就係距地D湯底囉~物盡其用，幾有創意！
wjoey2：四色丸：必order之一，boil完d丸後，一咬落，熱騰騰既汁就bi晒出黎！四隻丸各有特色！d丸應該係佢地自制既，因為真係好彈（我有拍video但無得upload），由高空抛粒丸落個碗道，係會彈出個碗（之係重要o係枱彈多幾下）
Veo：作為火鍋店，火鍋做得出色可以理解，但上品的其他食物也相當出眾，刺身的新鮮程度更可媲美於日式刺身店；而椒鹽菜式更勝