餓居

Open Now

Now Closed

第一次嚟太子呢間居酒屋叫「餓居」！一入門口已經有日本嘅祈福木牌牆，鳥居，蠟筆小新公仔⛩️🤍 就算要等位都可以坐喺鳥居前面影吓相📸 入面最靚嘅位係餐廳竟然放咗一棵櫻花樹🌸 旁邊座位都可以同櫻花影到相！餐廳食物質素都好唔錯，佢哋嘅串燒好出色🍡🍢特別想推介以下菜式：🤎 荔枝豬肉卷好新穎嘅配搭，因為有荔枝令到成件事好Fresh!! 覺得呢度嘅荔枝豬肉卷因為加咗更多黑椒同調味，更加入味🫶🏻同荔枝形成鮮明對比🤤🤎 大蔥牛肉卷牛肉煮得恰到好處，配埋大蔥好新鮮，唔會油膩🫶🏻🤎 鱈魚脆片好鍾意佢夠闊夠大，而且好脆（重點！）我影咗好耐相都保持住脆卜卜🤤🤎 鴨仔茶漬飯🐥 除咗啱影相之外，茶漬飯嘅湯都好香濃，好岩配肉食！🤎七味一口豚🐖 調味恰到好處嘅豬肉！不過份量可能有啲細🥹🤎 凍柑桔檸檬水果茶🫖 水果茶酸酸甜甜，亦都冇過分甜度，凍茶都好特別😋💛好欣賞呢間餐廳嘅用心，香港一般嘅餐廳空間都唔多，但佢都願意用咁大嘅空間去營造出日本嘅氣氛同美感！餐廳服務態度都好好嫁🫶🏻

店外店內都係日式既裝潢，仲有好多打卡位架📸有一大棵櫻花樹🌸可以一邊望住櫻花，一邊食野☺️又有燈籠牆🏮仲有得揀坐榻榻米🤩好似真係去左日本🇯🇵😍充滿日式設計既居酒屋🏮店內除左充滿打卡位之餘，食物都唔差架😍😋海膽醬烏冬烏冬非常掛汁，濃濃海膽味，鍾意海膽既人一流😋七味一口豚豚肉份量都好多，一口一件，肉質超軟，小朋友都好岩食😋關東煮湯底清甜，配料亦都好充足，最特別係有年糕係福袋入面😋吉列蠔外脆內軟，一咬仲要爆汁😋吉列帶子帶子大小份量岩岩好，又唔會炸到過晒龍😋紅豆鯛魚燒魚魚造型好可愛，入面既紅豆餡十足，甜度適中😋章魚小丸子新鮮出爐，調味岩岩好，有章魚粒增添口感

跟攝影朋友去搵食, 都總會發掘到打卡餐廳。就係離太子站不遠嘅---餓居。踏入餐廳, 柔和昏暗燈光令人有種很warm感覺, 餐廳正中央有棵仿櫻花樹, 旁邊設有榻榻米座位, 非常適合打卡。餐廳供應多款日式小食、串燒、鍋物及一品料理等….【香蔥山椒胡麻豆腐】HK$38豆腐好滑, 加咗七味粉、胡麻醬同大量蔥粒, 配搭簡單清新。【厚燒玉子三重奏】HK$98分別有芝士、明太子醬、海膽醬三款口味散發蛋甜香味, 口感香軟, 芝士配玉子永遠係prefect match, 但明太子醬口味個人覺得過於鹹。【紫薯甘粟薯餅】HK$23外層鬆脆不油, 紫薯香甜味突出, 仲有少少甘粟碎, 很有層次。【海膽醬烏冬】HK$68烏冬彈牙, 每條都沾滿海膽醬汁, 鮮香味十足。【七味一口豚】HK$98豚肉切粒, 剛好一口一粒, 豚肉彈牙爽口, 加咗七味粉調味, 微辣惹味。【雞翼(2串) 】HK$58雞翼燒得香口, 帶少少焦香。【熊本一口牛串】HK$38牛粒keep到原本肉汁, 肉質林。【波子汽水】HK$21/枝

偶爾發現太子開左間打卡一流嘅居酒屋，一入到去就見到一個好靚嘅鳥居，再行入去就見到大大棵櫻花樹🌸坐喺櫻花樹下食dinner, 真係好有feel😍✨月見雞肉免治棒 - 撈埋蛋漿食好滑又有口感，去居酒屋必叫的😋✨關東煮 - 擺盤幾靚，用左成個鍋去裝，款式都算多，有蛋、蒟蒻、竹輪、福袋、大根等，同埋個湯清清地我幾鍾意😸✨燒小御握 - 造型幾迷你可愛，口感外脆內軟，又唔會太滯，$25兩件又幾抵！✨七味一口豚 - 調味洽到好處，爽口得嚟唔會難咬，份量亦好足，而且食食下會停唔到口🤩✨燒鱈魚鮫 - 平時都比較少見，魚肉又幾滑，趁熱食仲食到幾鮮甜🤤✨燒雞翼 - 燒得外皮幾香脆，用左鹽燒味道剛剛好👍

店內裝修佈置日式啊！有日式燈籠🏮鳥居⛩️櫻花樹🌸他他米及木系座位🌾店內環境寬敞舒服～晏就提供lunch set同燒物咖！Lunch set 🍱鹽燒鯖魚定食 $83配上前菜、味噌湯以及鯖魚醬汁，燒鯖魚外皮脆卜卜肉質嫩滑～大大碗飯好滿足啊！🍢燒水果卷物盛合 $58呢個卷物盛合配搭牛肉🍖 將牛肉包住菠蘿🍍荔枝及桃🍑，捲着佢哋，再沾沾醬汁一齊食！外層牛肉咸咸哋裡面水果甜甜哋，味道好夾！🐟燒白鰻魚 $220估唔到呢度都有燒白鰻魚！外皮燒得脆卜卜，鰻魚肉質好嫩滑，沾沾豉油更加嘢味🍖七味一口豚 $98 一口豚肉份量都幾多～一口size剛剛好，豚肉彈牙爽口，又唔會太辣，食落又唔會太油膩～配酒嘅話都好夾！🍅甜話梅車厘茄 $31店主超推介車厘茄‼️平時唔食車厘茄嘅朋友都食得到🤣 將車厘茄切半中間放入話梅，成粒一齊食，味道酸酸甜甜好開胃！一共有4粒咖～作為甜品嚟講都幾特別！🍍菠蘿汁 🍎蘋果汁