段純貞牛肉麵 (Tower 535) (Closed)

今晚唔想食太貴，黎咗段純貞牛肉麵食晚餐。週日晚上6點鬆d到，有好多位。主餐牌有牛肉麵，風味麵類，小菜，私房小食，飯類，飲品。原來仲有甜品，同隔離京都勝牛嘅一樣。設有加一服務費。落單自己掃QR code。三寶麵 $94 另加一碗三寶麵麵大大碗，連個碗都印左個招牌名段純貞。先飲一啖湯先，好清甜，帶有香濃藥材同牛骨味，但係一d都唔油。原來個湯係用牛油加入香蔥，薑蒜，豆瓣與23種中藥材，慢火拌炒8-9小時後，加入牛骨高湯熬，再加上各種手工調配的香料及醬料，但係飲出嚟嘅感覺係複雜中見簡單，落到喉嚨有少少辣。牛有兩件腱心，4件牛肚，同兩件牛筋。餐牌介紹牛腱心肉係一隻牛只有五碗份量左右，炆得超淋又重牛肉味，仲帶d骨膠原重既牛筋，餐牌寫明係美國牛肉，好味道。牛筋都係炆得超淋而骨膠原重。第一次食呢度既牛肚，都唔錯，大大舊同滑溜又夠淋。配菜有兩條小棠菜同蔥花，我叫左多蔥，食落啖啖爽口青蔥連湯，正。另外有一小碟鹹酸菜，都唔差。麵條可揀手工麵或者細麵，我哋揀左手工麵。手工麵粗身有咬口，好似刀削麵，我自己就非常鍾意。燉番茄腱心半筋半肉麵 $92 另加一燉番茄腱心半筋半肉麵同三寶麵基本上一樣，只係兩條小棠菜變左一

台灣牛肉麵過江龍，來港已開了3間分店，熱潮似乎已過，銅鑼灣店午市繁忙時間都大把位唔使排隊😆午市也沒有套餐，以一碗麵來說定價都係偏高，性價比一般。紅燒腱心半筋半肉牛肉麵 $88三寶麵 (腱心、牛肚、牛筋) $92湯底的確好濃郁，食得到有好多香料好有層次，腱心好腍中間少許膠質，牛味頗香濃，牛肚牛筋都好食入味既。可惜手工麵太厚，係好有口感但太厚令佢偏硬身厚重，冇咁好餸湯。桂圓杞子薑母茶，沒有加糖，飲到桂圓自身的甜味加上淡淡的薑，暖胃之選。

✨呢間台灣人氣過江龍［段純貞牛肉麵］早前又開新鋪,之前係荃灣開鋪時已經好想去,我見銅鑼灣店下午唔算好多人,所以入去試吓‼️.💬三寶麵 $92佢地既湯底好濃郁,有啲啲藥材味,啲啲辣,口味好啱我！呢個三寶麵有腱心、牛肚同牛筋,口感軟腍夠入味！手工麵較厚同闊身帶少少煙韌,雖然有咬口但我覺得厚咗少少,每啖都咬到口都攰😂.💬經典紅燒牛肉麵 （牛𦟌切片）$84呢個牛𦟌片都好軟腍,好夠味仲有啲惹味！對我黎講份量都好足！如果我食量可以既話,我都好想飲晒啲湯😉！.📎其實兩個湯麵都附有一小碟酸菜,我本身唔係好鍾意食呢啲咸咸酸酸既嘢,所以我無食到😂！...

記得2019年中，在將軍澳東港城2樓某一角已經見到「段純貞牛肉麵」的裝修圍板，一直非常期待，但等到年尾都未開幕；去到2020年初，甚至裝修圍板上的廣告照片都消失了。再過不久，舖位已變了另外一間餐廳。在差不多已經忘記了的時候，估唔到去到2020年底，「段純貞牛肉麵」終於正式進軍香港，還要在荃灣及銅鑼灣連開兩間分店。裝修簡樸得來有點風味，望落去有點似台北市某幾間牛肉麵或小籠包名店的裝修風格。雖然「段純貞」源自新竹市，又只有10幾年歷史，唔排除參考了台北市其他著名牛肉麵店的裝修設計。餐牌第一頁及牆上一大幅題字將小店的歷史、及皇牌紅燒牛肉麵的繁瑣炮製過程娓娓道來。段純貞女士於民國37年（1948年）移居台灣後，便在新竹地區一帶，以腳踏車為攤檔販賣自家炮製的醬料及滷菜。由於段女士祖藉四川，擅于製作豆瓣醬、泡椒、麻辣醬等，她所炮製的醬料就有别於台灣本土風味，很受歡迎。身故後，其孫兒感念其手藝，於是以祖母之名於台灣新竹開設第一間牛肉麵店。只用了短短幾年時間就薄有名氣，並陸續在台灣其他城市開設分店。最近一年鋭意進軍海外，將會在香港及大中華地區陸續開店。香港分店的餐牌與台灣總店有些微分別。最馳名的多款紅

之前喺台北京站食過一次段純貞，見佢香港都開咗分店（應該係特許經營），上完堂就走咗過去試下！果次係台北段純貞俾我嘅記憶係個湯好濃味同好勁牛嘅油味，如果要飲埋湯就絕對唔得！心諗香港果個都一定咁油啦！但我叫咗碗三寶麵，嚟到居然得少少油！首先試試d湯先，好濃又有少少藥材味咁嘅感覺！係呢隻味啦！同台灣段純貞嘅味好接近！即刻鈎起我想去台北嘅衝動！由於佢冇咩油嘅關係，就少咗份牛油嘅蘇味係碗麵度，要扣少少分。但我個人感覺冇咗d油碗麵就健康咗！到食果d餸啦，全部都好入味，好淋，好好食！麵方面我就揀咗細麵，淥得啱啱好，但好可惜實咗太細碗，男人食一碗係唔夠飽！杯嘢飲仙草奶茶就不過不失啦，都係想飲杯嘢啫！但埋單$132又好似貴咗d如果當tea咁食（好在果晚早食晚飯，唔係實餓死！）

🇭🇰段純貞牛肉麵·呢間我見好多人都話好好味 所以佢銅鑼灣一開左我就同朋友仔去左試啦😈😈·三寶麵$92我覺得佢D肉真係幾出色 佢個腱心係好似牛腩咁 超淋 超入味 個牛筋同牛肚口感都好好 完全唔會un😏佢個手工麵都幾彈牙既 不過我覺得佢個湯底真係偏鹹同濃味 而且呢個價錢食一碗牛肉麵真係有D貴🙊🤣🤣·滷水拼盤$78呢個就真係唔建議大家叫🙊雖然佢呢個既肉質都係好既 但係佢係鹹到食到個豉油味 超級誇張 尤其係佢個豆腐一咬係必豉油🤫🤫係真係每食一舊就要飲水🙊·#rbyeat#rby台灣菜#rby銅鑼灣 #rby荃灣 #rby將軍澳·📍銅鑼灣謝斐道535號Tower 535地庫B01號舖📍荃灣楊屋道8號如心廣場1期1樓105-107號舖📍將軍澳澳南海岸唐俊街23號MONTEREY Place地庫B03號舖

久違地返公司工作，午餐梗係搵吓附近有咩新餐廳啦🤤無得去旅行🧳唯有食吓人哋嘅名物安慰自己，今次專登早啲出嚟食午餐，因為時間尚早唔洗等只有兩三枱客(陸續有人入坐，不過食完約一點都未爆場，可能俾旁邊個間日本過江龍 - 京都勝牛搶晒啲客😂)今次試咗招牌嘅三寶麵🍜三寶分別係腱心、牛肚、牛筋，可以一次試勻三種，每份麵都會附上一碟酸菜麵底可以揀細麵或手工麵，我揀咗細麵，中意會比粗嘅麵條更容易吸收湯汁👍用上牛大骨、各種中藥材同香料慢火細燉8小時嘅牛骨湯底果然夠濃夠香牛腱即係牛展，牛嘅小腿肉，而牛腱心同其他部位牛腱肉比較，本身含有豐富嘅膠質，筋多而筋紋呈花狀，口感半筋半肉，用上牛骨湯底燉過後吸收晒湯汁，入味之餘，肉質又嫩又有彈性，讚牛筋燉得好夠時間，非常焾身，啖啖嘅膠質好岩一眾女士牛肚相比之下就無咩特別，正常發揮細麵如我預期中好入味，麵質彈牙唔會過焾不過整體份量較細，麵相對少，適合女士，男士就應該唔夠飽，值得一試，但以價錢黎講性價比一般👌