沾仔記 (威靈頓街)

Open Now

Now Closed

環境:沾仔記坐落於中環威靈頓街, 位置唔算偏僻, 好容易搵到呢間中環米芝蓮麵店. 中午時間去食大約要排5-10分鐘, 不過麵店上菜時間和食客流動都算快.食物:雲吞係沾仔記既招牌菜, 好多遊客和熟客都係為左佢碗雲吞麵慕名而來. 不過今次我不是叫佢個雲吞麵, 而係試左佢另一個招牌菜, 三寶麵.三寶麵份量唔算好多, 但用料食材份量十足, 三寶麵入面有雲吞, 鯪魚球和牛肉. 鯪魚球十分爽口彈牙, 而且沒有太重既調味, 所以食落十分鮮甜; 不過講到重點, 當然要講講佢個雲吞, 雲吞都真係有水準, 蝦份量十足, 而且都好新鮮, 雲吞皮亦唔會煮得太淋, 係有米芝蓮水準; 至於牛肉, 食落就一般般, 可有可無, 可能係因為雲吞同鯪魚球已經搶曬味道.價錢:三寶麵$40, 其他麵都係$30附近, 價錢在中環區黎講算十分相宜, 仲要係米芝蓮麵店. 雖然望落都係普通既雲吞麵, 但中午食一碗都好足夠, 而且亦都十分好食, 係傳統香港既味道.

有些店愛以價錢平或份量多來作為賣點,但質量通常麻麻!(好老實!收得你果十蚊八蚊碗,仲想點?)去一些"名"店的話,雖然質量有所提升,但如果想食到飽的話,無一百蚊以上都唔駛走!要在價錢及質量中取得平衡,沾仔記絕對是成功的!個人認為如果去到一間店舖而不去試它們最出名的食物,為什麽還要去呢?$24 三寶麵----一次過滿足三個願望!鯪魚球肉質結實魚味濃有彈性!(如果知道有地方做得好過這裡的話,煩請各位通知一聲!)雲吞蝦肉新鮮爽口,雲吞皮摺口位不厚,薄得來不易散開.牛肉嫩滑無渣,入口有在吃"肉"的感覺!麵身偏硬不太索湯,不會是有脆的感覺那種.湯的味道也不錯!食完沒有口乾的感覺.除了平、靚、正之外,已想不到其它的形容詞.