爭鮮迴轉壽司 (Closed)

自從爭鮮進軍香港 香港又多左一個食迴轉壽司既選擇唔好expect可以食到超高質素  但佢既性價比高 碟碟$8都係一個唔錯嘅選擇今日收工諗唔到食咩 同女朋友行過爭鮮 就一齊食下咁啱爭鮮做緊九周年優惠 食滿九碟減一碟坐低斟茶同整好豉油 就馬上叫攞野食食壽司 來來去去都唔小得果幾味三文魚,玉子,墨魚,蝦 都係個幾種味道一般 可以接受海膽軍艦就唔建議食 完全食唔到海膽味見到有茶碗蒸蛋 即刻叫返碗呢個真心唔錯 有蛋味 夠滑 有小小配料$8真心無得輸另外帶子壽司都係必叫 我自己都食左4件帶子甜甜地 size夠 有咬口$8食多幾件銀包都唔赤

今日同老公放低三隻妖怪打算到荃灣行一陣，話哂最近51黃金週好多地方都做梗減價，行行下肚又餓，但天氣有少少熱就諗起去食個壽司，都出左黎大出血就食返平少少嘅壽司等自己冇咁肉痛。唔知係咪大家都因為長週末去哂旅行定係因為個個去哂掃貨，平時成日咩時段都需要排下隊嘅爭鮮今日竟然唔洗排。呢度我覺得最意外嘅係有海膽壽司，明明都只係8蚊一碟點解都會有海膽呢d比較高嘅野呢？所以我明白佢唔會係咩靚海膽，但食落其實都唔係話太差，起碼唔會有陣怪味又或者係腥味，我明白海膽較貴所以片青瓜佔嘅比例會多d。浦燒立魚：開頭老公以為係鰻魚但食落又唔似 不過可能因為浦燒汁平時係配開鰻魚，所以食起上黎就覺得怪怪地咁，魚嘅肉質較鞋，冇鰻魚咁多油脂。油甘魚：大大塊油甘魚，雖然一碟得一件但因為塊刺身好大所以感覺好抵，不過好大陣雪味，質地亦唔知點解變成一絲絲咁。之後我搵到碟真正鰻魚，果然油脂多d,但反而因爲佢冇任何汁去配撘，就變左好腥。希靈魚：其實我老公好中意食，雖然佢係酸酸地，但有時食都會覺得幾好，佢嘅魚春位置卜卜聲好正。三文魚刺身：8蚊3片都唔錯，幾肥美，係切得唔太好，三塊痴埋一齊。呢度係平食，間唔中係月尾黎過下壽司癮都唔錯。

今日12:20pm到,等位等左12min左右,因為當時得我自己1個等,另外2個朋友未到,再有3個客人齊人到達,根據餐廳o既規矩—齊晒人先可以入得,當然俾佢地入先~而我繼續等那2位朋友但之後都係叫左2-3對 2位的客人進去…所以total等左12min左右今日安排俾我地3人坐卡位,非常之開心呢!!!去迴轉壽司店食野,當然係坐卡位舒服好多呢!!當我坐低無幾耐,大發現 吞拿魚粟米刺身飯新款式喔,之前只見3文魚刺身飯而已!相當好味, 吞拿魚味幾鮮~ 粟米又夠鮮甜,爽脆!另外食左 3文魚刺身非常肥美~睇中哪1碟才拿取~如果有埋檸檬會更正!代鮑魚沙律軍艦呢款軍艦相當有特色,那些沙律醬食落口唔會好杰身+肥膩!與代鮑魚切粒粒配合得岩岩好的~紫菜夠脆身~竹夾魚壽司享用壽司o既途中,嗅到有火槍味,正正就係師博用火槍噴竹夾魚呢!!非常鮮味~~幾夠火喉雖然唔知那款壽司真正的大名是什麼, 蛋皮壽司卷蛋卷雖然薄身,共幾層的蛋皮,壽司餡料有青瓜條,鬆軟的肉鬆,蟹柳,即使不用豉油來調味,味道也是不錯呢當我食到有8成飽果陣,迴轉帶突然出現我愛吃的 三文魚+蟹棒絲刺身飯?!?!? 在我眼前有3-4碗走過~幸好揀左其中1碗