麻吉灶咖

Open Now

Now Closed

放假和朋友周圍行吓，朋友話有啲攰，不如隨便搵間餐廳坐吓食吓嘢。見到一間台式餐廳，食物好特別，環境又唔錯好舒服，好適合傾計，所以就選了這間。我哋坐低點選咗三款食物和兩杯飲品，有三文魚明太子蛋餅，墨汁鹽酥雞刈包，紫薯粉地瓜條，大甲芋頭鮮奶，紅豆抹茶鮮奶。點餐後，食物好快就到，見到就覺得好味。三文魚明太子蛋餅，包住嘅餡料適中，配上醬汁，墨魚鹽酥雞刈包，有驚喜，好似係以黑色嘅墨魚汁包著雞，炸得非常鬆脆，而地瓜好脆，再配上紫薯粉，最後，加埋兩杯飲品

呢間係k11嘅台灣菜裝修好靚，唔講仲以為係食日本菜🤭店入面有啲包廂，可以同朋友坐得舒服啲，仲可以暢所欲言😙 麻吉臭臭鍋就算叫左中辣都唔算好辣但好咸，不過都算惹味但係個鍋入面唔算好多料💸得幾粒丸、2舊臭豆腐、幾塊牛肉、菜... 地瓜條炸得好脆口，再加埋啲蜜糖同明太子醬咸咸甜甜咁，搞到愈食愈想食份量超多，食食下真係飽左😂 三文魚明太子蛋餅包住三文魚、肉鬆、沙律菜+沙律醬幾fresh, 感覺似西餐fushion台灣菜但如果鍾意傳統蛋餅嘅人，就未必會鍾意🤣 麻吉芋圓愛玉嘅芋圓好有咬口，但冇乜芋頭同番薯味不過呢個芋圓甜品冇糖水底，有少少奇怪😅 流心芋泥球係因為朋友post 社交平台，所以間餐廳贈送嘅🤭咬落真係有奶皇流心，都幾好味不過有啲膩，食左一粒又飽左🤣 總括而然，呢間餐廳似台式fushion菜多過傳統台灣菜價錢都幾貴，但好在服務同環境都幾好 味道：🤤🤤🤤/5性價比：🤤🤤🤤/5 菜式：- 二人套餐（夜市地瓜條+三文魚明太子蛋餅+麻吉臭臭鍋+麻吉芋圓愛玉）：$438 +10%服務費- 流心芋泥球（贈送）

行過K11 留意到有間台式餐廳開咗，柔和木系裝修好似幾舒服。過咗繁忙時間唔洗排隊，咁啱有梳化卡位非常闊落，私穩度高😙🔸蚵仔麵線🍜麵線份量適中，蠔仔算大粒無腥味，加入微脆嘅油條塊添加口感。👍🏻🔸滷水大腸麵線🍜滷過嘅大腸較為出色，有滷水香味配麵線好夾。😋🔸三文魚明太子蛋餅🧡有少少驚喜嘅蛋餅入面有三文魚，生菜，少量肉鬆，上面明太子醬係好好嘅點綴令蛋餅味道昇華。😋🔸麻辣鴨血🥢睇落好似好辣嘅麻辣鴨血其實唔係好辣，鴨血嫩滑份量適中，下面有芽菜，炸腐竹吸滿湯汁幾好味。🤭🔸手打鳳梨檸檬茶🍍🔸手打香橙檸檬茶🍊酸酸甜甜幾好味，幾大杯。🍋餐廳環境好舒服，台式飲品同食物款式都多選擇，食物精緻。入座時店員提醒用餐時間75分鐘，同朋友傾偈過咗時亦無催交枱，因為過咗繁忙時間無客人等候，店員處理非常彈性😊

尖沙咀食肆林立，好耐無喺K11食飯，路過見到呢間台式餐廳，唔使等位就入去試下。近門口位置嘅裝修比較光猛，行入少少有一個比較昏暗嘅區域。我以為會有酒飲啦，點知得罐裝水果啤酒☹️極失望。 🌕🌕🌕🌕🌑三文魚明太子蛋餅🌕🌕🌕🌕🌑黃金茄子🌕🌕🌕🌕🌑招牌麻辣鴨血鍋🌕🌕🌕🌑🌑百香果紅茶 一開始我係畀三文魚明太子蛋餅吸引，其實味道都唔錯嘅，不過對我黎講就太多醬汁。 黃金茄子係揭揭下menu發現幾有趣，都算整得乾身，鹹蛋黃味夠香。 招牌麻辣鴨血鍋就唔太抵食，味道唔錯但係每樣料都係得少少，同埋唔夠辣，唔知係唔係我無講辣度，店員又無問。 百香果紅茶就無乜特別，不過不失。 又黃金茄子又鴨血鍋，無杯啤酒真係弱少少。

上網見到K11呢間新開既台灣菜裝修好靚 有好多打卡位 於是就同朋友去試下😆🍴麻婆豆腐軟殼蟹拌麵 ($108)軟殼蟹size都ok 而且唔會炸到好乾👍🏻 拌麵既麵條係類似刀削麵 帶咬勁 幾掛汁😌 麻婆豆腐味道中規中矩 微辣易入口 肉碎少左d 不過豆腐既份量就唔少 而且幾滑🍴三文魚明太子蛋餅 ($88)蛋餅既餡料好足 有三文魚、粟米、肉鬆😋 餡料配上淋係面頭既明太子醬都幾好食 不過就略嫌蛋餅既皮有少少厚🍴黃金茄子 ($62)呢個有驚喜！無諗過實際既size竟然比相仲要大 而且鹹蛋黃同茄子好夾 茄子亦炸得岩岩好 唔會太乾 仲有少少咬口👍🏻🍴麻吉三小碗 ($148)可以一次過試哂麻吉滷肉飯、墨汁鹽酥雞、蚵仔麵線😆麻吉滷肉飯同蚵仔麵線味道就中規中矩 鹽酥雞炸得有少少乾 不過真係食得出有墨汁味 幾特別🤣🍴草莓沙冰芝士奶蓋 ($46)芝士奶蓋好厚 而且芝士味都幾濃👍🏻草莓沙冰味道都唔錯 夏天飲真係透心涼🤣值得一讚係侍應服務好好 十分親切🫶🏻

呢間新開嘅台灣餐廳麻吉灶咖位於尖沙咀ᴋ11 ᴀʀᴛ ᴍᴀʟʟ以台語「麻吉」好朋友同「灶咖」廚房為名👯‍♀️主打多款創意台式料理 講得出嘅呢度都有食物質素都唔錯 同麻吉一齊食飯又多個選擇！ᨒᨒᨒᨒᨒᨒ❀ 麻吉臭臭鍋♡重口味人士必點！呢個鍋細細地但超足料有齊臭豆腐、豬大腸、貢丸、鵪鶉蛋、肥牛等等重點係小辣湯底十分惹味 辣度可以自由選擇 如果唔食臭豆腐仲有其他鍋 十分推薦！👍🏻❀ 紅燒牛肉麻婆豆腐拌麵♡麻婆豆腐醬好濃郁好惹味 配上彈牙嘅刀削麵真係一流！不過紅燒牛肉就相對普通 偏乾身同唔太入味❀ 麻吉蚵仔煎配海山醬依家先知原來蚵仔煎上面呢啲叫海山醬🤣粉漿比例做到幾好唔會全部都係粉❀ 三文魚明太子蛋餅第一次食到呢個配搭嘅蛋餅幾特別 略嫌蛋皮有啲厚 ❀ 青花椒鹽酥雞 配辣味蛋黃醬第一次食青花椒感到新奇 配埋鹽酥雞食都幾有風味辣味蛋黃醬味道偏淡辣味唔太突出 ❀ 四季春芝士奶蓋 / 蜜桃沙冰芝士奶蓋芝士奶蓋好厚身 幾重芝士味兩款味道都偏甜 建議嗌少甜會好啲～