竹虎京堂

Open Now

Now Closed

九展營運至6月尾，告別九展而去星影匯睇了場戲，然後就來MegaBox晚飯。是日九展剛好也有同人活動，所以這晚的MegaBox有些食肆都人頭滿滿。這次選了在竹虎京堂食晚飯， 是同事曾向我推介的一家餐廳。大岩蠔 ($29/隻)，生蠔大隻，蠔味不算好重，但佐以柚子酸汁，感覺清爽。竹筒飯定食有主食竹筒飯、前菜、茶碗蒸、味增湯及甜品，我選了三文魚籽貝柱竹筒飯。前菜是味付螺肉及中華沙律，味道正常。三文魚籽貝柱竹筒飯，飯面鋪滿了貝柱，三文魚籽份量不多。貝柱鮮甜度一般，一咬開三文魚籽就爆出魚油，而熱熱的竹筒飯太過濕潤，整體味道偏淡，不太喜歡。茶碗蒸有冬菇及蝦仁，夠香夠滑溜。味增湯的配料有蜆肉、昆布及櫻花蝦，帶微微鹹香。甜品是紅糖紅豆小芋圓，味道不會過甜，小芋圓尚算煙韌。另一份定食是原隻栗毛蟹配味增蟹籽竹筒飯，慢慢的拆出蟹肉，加入味增蟹籽竹筒飯中拌勻食用，帶點鹹香之餘，亦帶蟹肉鮮甜，完全拯救了那淡淡的竹筒飯！雖然店內滿座，店員人手不太充足，即使未能即時招呼客人，也會禮貌示意客人稍等，不會令客人有被忽視的感覺。

餐廳位於Megabox foodcourt，主打係日式竹筒飯，又唔使等位，就入去試下。#三文魚籽貝柱竹筒飯見佢做緊期間限定「北海度直送貝貝祭」，一於就叫個三文魚籽貝柱竹筒飯定食，包前菜、茶碗蒸、湯及甜品。貝柱同三文魚籽都新鮮，雖然細細粒但肉質彈牙，飯有淡淡竹香味，冷冷刺身鮮味加上暖暖嘅米飯，食落口感豐富，層次分明。前菜係紫菜肉鬆卷同幾條魚乾仔，茶碗蒸好滑，麵豉湯入面有蜆肉、櫻花蝦同昆布，幾好飲唔鹹，甜品係焦糖燉蛋，蛋滑唔太甜。#吞拿魚腩蓉三文魚籽海膽刺身丼個人就最鍾意呢款配搭，簡直係perfect match，吞拿魚腩蓉三文魚籽新鮮，海膽鮮甜味濃郁。主食還附上烏冬或蕎麥麵，客人可按照自己口味選擇冷或熱，相當貼心。我就揀咗冷烏冬，烏冬質地爽口彈牙。小朋友更可選擇流水烏冬兒童餐，見到隔籬枱小朋友玩緊流水機，我下次都想叫個兒童餐。#竹虎京堂地址：九龍灣宏照道38號Megabox 10樓4號舖電話：21772108

之前去過竹虎京堂幾次食午餐，幾鍾意佢嘅食物，而且擺盤都好精緻，打咭一流😆 晚市同午市嘅餐牌都係一樣今次去食晚餐，點咗三文魚籽貝柱竹筒飯($98)，個人鍾意食濃味食物多啲，貝柱對我嚟講淡味咗少少，但朋友就幾滿意佢嘅味道😀 個人比較鍾意比目魚，味道濃少少😋 個人鍾意比目魚定食，多過比目魚竹筒飯，定食嘅比目魚比較多汁😆 跟餐嘅小食每次都唔同，好有新鮮感😆 今次個大福我就麻麻，口味唔太啱我，比較鍾意之前試過嘅甜品另外單點海老天婦羅($48)，新鮮炸起熱辣辣好好食👍🏽 美味しい😋