竹虎京堂

Open Now

Now Closed

九展營運至6月尾，告別九展而去星影匯睇了場戲，然後就來MegaBox晚飯。是日九展剛好也有同人活動，所以這晚的MegaBox有些食肆都人頭滿滿。這次選了在竹虎京堂食晚飯， 是同事曾向我推介的一家餐廳。大岩蠔 ($29/隻)，生蠔大隻，蠔味不算好重，但佐以柚子酸汁，感覺清爽。竹筒飯定食有主食竹筒飯、前菜、茶碗蒸、味增湯及甜品，我選了三文魚籽貝柱竹筒飯。前菜是味付螺肉及中華沙律，味道正常。三文魚籽貝柱竹筒飯，飯面鋪滿了貝柱，三文魚籽份量不多。貝柱鮮甜度一般，一咬開三文魚籽就爆出魚油，而熱熱的竹筒飯太過濕潤，整體味道偏淡，不太喜歡。茶碗蒸有冬菇及蝦仁，夠香夠滑溜。味增湯的配料有蜆肉、昆布及櫻花蝦，帶微微鹹香。甜品是紅糖紅豆小芋圓，味道不會過甜，小芋圓尚算煙韌。另一份定食是原隻栗毛蟹配味增蟹籽竹筒飯，慢慢的拆出蟹肉，加入味增蟹籽竹筒飯中拌勻食用，帶點鹹香之餘，亦帶蟹肉鮮甜，完全拯救了那淡淡的竹筒飯！雖然店內滿座，店員人手不太充足，即使未能即時招呼客人，也會禮貌示意客人稍等，不會令客人有被忽視的感覺。

九龍灣MegaBox溜冰場嗰層有一個少少food court咁嘅地方 經過見到有間日本菜嘅餐廳 有流水面機玩！覺得幾得意就入去試下！ 原來大人都可以玩流水面機佢有個大寶寶套餐($78) 分別幾件小食家用流水麵機裝住嘅烏冬 係幾得意嘅唯一就係份量有啲少！一個女仔嘅份量唔係好夠飽比目魚烏冬 ($78)個套餐入邊會包咗一個茶碗蒸，少少前菜同埋一個冰粉！ 其實味道唔錯，不過份量都係偏少呢個份量適合做下午茶 可以坐出去望住溜冰場，睇吓風景都係唔錯嘅選擇

環境係megabox溜冰場一層，位置不算多，環境開放式，枱與枱之間好密，對話全聽到。食物明太子貝柱竹筒飯 $98幾有特色的竹筒飯，淡淡既竹味幾特別，貝柱好新鮮數量都多，以為好細碗，點知份量都足夠女生飽。炙燒松阪豬 (明太子) $85一開始吃不錯豬肉質厚實，少少肥位，但食多幾件就開始有點油膩，會越食越膩。全部餐都包蒸蛋+甜品+麵豉湯+前菜，滿足曬不同口味，性價比高，再加上有特色既竹筒飯。如果去megabox唸唔到食咩可以選依間。

阿女好鍾意食呢間流水麵😍我地都覺得好特別嘅兒童餐食過幾次都覺得食物質素ok重點係Staff好nice,見我地湊住阿女即刻安排梳化位仲問要唔要bb凳🥰我地嗌左三個晚餐…仲嗌左杯抹茶朱古力🍵🍫好特別愈飲愈上癮😂😂但唔記得影相🤣Daddy嗌左刺身set+左隻蠔佢第一次食呢間都覺得鮮甜肥美仲有兩個三文魚碎飯團🍙柚子雞set雞扒煎得幾香口配埋柚子醬好惹味，令人好易餸飯😋仲有茶碗蒸同甜品，覺得都唔馬虎好有心，而且甜品有芋圓有紅豆🫘雖然比較甜但都好食比目魚set兒童餐係流水麵嘅set好得意仲好好食🤤佢嘅小食係唔知咩肉條但彈牙🤣比目魚煎得香脆邊而且魚肉好嫩滑，一樣有茶碗蒸，有一包飲品但就冇甜品🍮

megabox十樓有很多特色餐廳，特別多日式似的，今天試吃第3間日式料理，叫竹虎京堂，店員在門外推介招了我入去的，我在店外看了看menu，見是自選套餐自由配的形式，就點了一個竹筒套餐，$98 包味噌湯、茶碗蒸和糖水，包味噌湯很足料，內有幾粒蠔，芥末是另上，不像一般外賣壽司店的包裝芥末，似自磨那款，茶碗蒸沒感想，用竹筒present似頗有趣，而元貝鋪滿飯面也像很足料，可惜吃下去有點淡而無味，食到一半飯左右更覺只有飯味，當食剩一碗甜品時，匆忙店員的店員來問我可否收走我的餐盤，我表示我未食完，店員立即西了臉就走了。剩下的是一碗黑糖寒天和式丸子糖水，賣相很有和式風味，粉紅、綠和白色的小丸子沒有味，也許是配菜來吧?寒天是冰凍的也是沒有什麼味，唯一比較濃味是表面的黑糖液，整碗糖水的整體感覺是清新的。

$118三文魚籽貝柱- 茶碗蒸- 甜品（紅糖芋圓白涼粉）- 竹筒飯- 麵豉湯 先唔好講服務,淨係嘢食都全部好難食😌：1.茶碗蒸凍嘅2.刺身有浸宿味3.麵豉湯好咸4.竹筒飯裏面啲飯好難食 服務態度仲要極差,送餐嗰時仲要叫我個friend縮開阻住佢擺餐,話阻住佢喎🤌 Anyway,我就覺得呢間餐廳好唔值,不過相信總有人會鍾意日本嘢,呢間嘢啲嘢其實都算平,只不過係態度差咗D😮‍💨 你哋問我會唔會再嚟,我係唔會再嚟,即使你哋sponsor或者請我嚟,我都唔會嚟,你哋啲嘢食真係好難食,同埋你哋嘅服務態度真係好差,返去廟堂學吓

今日去開九龍灣附近做嘢，順便睇吓有咩餐廳試吓，見到呢間bookmark左好耐，記得想試試佢個竹筒飯，今日lunch 就試試價錢都算合理，我想食豐富少少，所以揀左A, B, C，有湯有前菜有甜品有蒸蛋，唐掦炸雞配竹筒飯竹筒飯，入面有淡淡的竹味，都算幾特別，炸雞嘅份量，坦白講有點少，因為每件都比較細，前菜和蒸蛋，正正常常。麵豉湯入面有蜆肉，感覺幾豐富。甜品應該係類似冰粉，夏天都幾適合食👍整體而言，呢個價錢都算中規中矩

同朋友傾嘢諗唔到食咩就入咗去食....D 嘢食feel 到係零心機...求其到一個點...服務係ok, that's all. 炙燒雞係用水煮熟, 噴槍燒幾下,加D開過下ge燒汁,就上俾你食....基本上9成都係超級市場買到Ge 嘢煮2 嘢就俾你食...               

中午去食lunch，看見counter展示出來嘅比目魚賣相唔錯，就點了比目魚（要加10蚊）配鮭魚飯團堂食。之後來了那碟比目魚是兩條魚尾，size唔大條同冇乜肉，跟展示出來嘅係魚的中間部位唔同，覺得失望，而且碟魚落了很多黑色嘅醬汁/豉油，浸住咗啲魚，食落覺得好咸，食完覺得好口渴，要飲好多水。另外鮭魚飯團有兩個，份量足夠，個樣都幾ok，啲飯粒比較乾同少少硬。茶水供應是自助形式，也算方便。店員服務ok。

#20240513 🤍📍 竹虎京堂 @taketorabamboo 九龍灣宏照道38號企業廣場5期MegaBox 10樓4號舖➖➖➖➖➖➖➖➖➖➖➖➖➖➖➖➖➖ 🥢 #茶碗蒸 💭 下午茶時段尼到呢間野見有啲平平地既餐就坐低試下，餐可以揀跟茶碗蒸或者麵豉湯，蛋蒸得幾好，好滑身，不過除左面頭隻蝦仔同片菇之外，下面就全部都係蛋，再無其他料😅.#馬刀貝赤貝 $48#北寄貝三文魚 $48💭 除左魚生，下午茶餐都可以揀熟食既，不過大部分都係炸野，魚生份量每碟大約兩三塊，然後佢仲係combo咁叫，所以預每款魚生得一片左右，馬刀貝同赤貝麻麻地，帶輕微腥味，北寄貝同三文魚就正正常常，反而有啲意外塊三文魚切得幾厚🐟. 🥢 #鮭魚飯團 🥢 #冷烏冬 💭 主食可以加錢要蕎麥麵，今次試左兩款唔使加錢既，個冷烏冬有跟一隻生既鵪鶉蛋好特別，加埋落啲汁度點尼食入口滑好多，再加埋wasabi有咸有辣仲有蛋香好豐富👍🏼飯團三文魚肉唔算多，但啲飯有味所以麵好易食晒一咸三個唔會覺得dry🍙.#九龍灣美食 #🐷在九龍灣 #🐷_食

Mega box的美食薈萃眾所週知，曾經好好食的HoiHoi pancake名古屋經已「摺埋」，非常可惜🥹，當初亦有與男朋友一起吃的😚！👧🏻：上次同你食果間pancake店執咗笠啦🥹👦🏻：噢😦～咁我地今日食咩？👧🏻：10樓有間食竹筒飯㗎，我之前食過一次唔錯👦🏻：好呀好呀呢間《竹虎京堂》位於10樓溜冰場果層，同層美食不少，小妹一旦一心決定食咩，基本不會改變主意😚，行到去都望咗一陣先睇到，餐廳座位編排好似唔同咗🤔不過美食選擇仍然唔少😊仲記得當年竹筒飯外形係如圖1，而家已經升級為第二代嚕😮第一步先選擇食咩套餐，套餐包前菜、湯及甜品；第二步再選擇要竹筒飯/沙律/飯團/冷熱烏冬/冷熱蕎麥面；第三步飲品部分有些跟餐價。小妹是次二人行，揀咗［唐揚海鮮盛合定食配竹筒飯］北海道唐揚大墨魚咀｜吉列蠔｜吉列虎蝦，炸物可接受，三款最出色必定是吉列蠔，其次是墨魚咀，而虎蝦因原隻炸，咬落蝦頭有啲拮嘴，食得唔太順暢😂😂；竹筒飯可能壓太實，令其口感偏硬身😢［西京燒比目魚定食配飯團］西京燒醬汁偏咸，比目魚乾身無乜水份🥹不過，鮭魚飯團🍙調味唔錯👍🏻，飯亦軟身，小妹頗喜愛🫶🏻其實小妹原定係想食《月見黑豚腩》，一時口快落錯單

Mega box 做完野～午餐時間四圍都人多多。見到呢間都坐滿下人…仲有位唔洗等就衝左入去啦🙄睇餐牌啲套餐都覺得幾正常。 然後叫左個炙燒地雞x竹筒飯🎋另外再加個兒童餐炙燒地雞x竹筒飯炙燒地雞可以㨂四款口味～明太子鹽麴、日式甜咖喱、柚子蜜🍯我就㨂左明太子鹽麴😂個條好似斷左既一節尾指就系明太子～竹筒飯🎋飯面系硬實實哂😂風乾左甘囉…地雞就系連皮既雞脾肉🐓雞肉系無味的😂不過有pat鹽麴充滿咸味既汁液加系上面。完全食得出一淡一咸既味道😂兒童餐比目魚配上一堆甜到暈底既source😅小朋友都識分啲味道夾唔夾～烏冬是正常的～但個兩舊卡通魚蛋…MY吃貨梓幸咬完一啖就放底左…無語🙄

叫左兩個定食，被佢$109毛蟹吸引咗，個職員仲好細心講解定食有咩選擇但今次真係奶哂野茶碗蒸勁hea,似用微波爐叮熟，連刺身都可以咁難食我真係未試過。杯珍珠奶茶無味，感覺差過開三合一。如果大家有勇氣可以試吓……..仲有我哋9:10入座，無講就嚟收工，9:50開始收野，職員勁講就收工就收工….我哋都識做埋單走人，d 侍應走得快過我….咩玩法So far 呢間係我喺香港食過最難食既日本餐，呢啲水平真係唔好開餐廳，只會白白比租

九龍灣lunch 食堂🔸竹虎京堂佢係A（食材）+B（澱粉質）+C(甜品）去選擇今次揀咗A+B🔸月見 五花腩 + 竹筒飯+味噌湯五花籃略為乾爭爭，雖然有醃過，但唔夠味道，滷水味？缺乏。溫泉蛋就不錯，晶瑩剔透。五花腩要沾些月見溫泉蛋先至夠濕潤好食。😐😐竹筒飯缺乏以前舊有香味，不值一試。但欣賞佢仍然都係用竹筒😑味噌湯三樣食品之中，最不錯的👍🏽👍🏽整體份量不是很多。如果大食嘅人，建議加甜品或其他配料

今日嚟九龍灣附近上堂，之後同一班朋友嚟MegaBox食lunch起OpenRice見呢間嘢好似唔錯，但評語唔係咁好，決定試試佢 (試伏)🤣太多選擇🙈又壽司飯、刺身定食、熟食定食等可以自選配搭A+B+C▶️ 炙燒地雞+竹筒飯 ($65)炙燒地雞可自選口味：明太子鹽菊 、日式甜咖喱、柚子蜜糖明太子鹽菊真係有條好似腸仔咁嘅明太子😋鹹鹹地一粒粒，用嚟餸竹筒飯食咁曬雞脾肉連皮，食落非常嫩滑新鮮🐔落咗少少照燒汁調味，啱啱好一開始係為竹筒飯而黎，抱有期望望落米飯啡啡地色，以為調過味，點知食落冇味🙊面頭飯粒扁乾硬好彩下面米飯濕身黏身番啲，配埋明太子雞肉食都唔錯▶️ 味噌湯又係一個好出色嘅味噌湯除咗海帶，仲有蜆肉、櫻花蝦👅鹹度適中-味道比想像中好，只係竹筒飯失望啲，唔差但冇特色炙燒地雞反而好食👍🏻 味噌湯都值得飲朋友們試咗鮭魚飯團，話唔得😅冇乜鮭魚之餘冇味，但烏冬同炸雞就唔錯所以食物水準比較參差，好睇你選擇然而呢度服務好好，啲姐姐有禮貌同好nice，我哋十幾個人落單，最終上菜冇出錯食物上枱暖粒粒，唔係整定，定食賣相精緻整齊坐得舒服，十幾個人一張長枱唔逼性價比唔錯，收埋加一大概$70/餐 (雖然冇嘢飲，但佢嘅